သုခမြေပုံ

အကျဉ်းချုပ်

စာရေးဆရာ အဲရစ်ဝိုင်နာဟာ ကမ္ဘာတစ်ပတ်ခရီးထွက်ပြီး ဘယ်နေရာမှာ၊ ဘယ်လိုလူတွေဟာ ဘာကြောင့် ပျော်နေကြသလဲ ဆိုတာကို အသေးစိတ်လေ့လာတယ်။ ဒါပေမယ့် သူကိုယ်တိုင်ကတော့ ပျော်တတ်တဲ့သူတစ်ယောက်မဟုတ်။ သူဟာ အမြဲတမ်း စိတ်ညစ်၊ စိတ်ပူ၊ စိတ်တိုနေတတ်တဲ့သူ။ ဒါကြောင့်လည်း သူ့ခရီးစဉ်ဟာ ပိုစိတ်ဝင်စားဖို့ကောင်းလာတယ်။ သုခမြေပုံစာအုပ်ဟာ ခရီးသွားမှတ်တမ်းတစ်ခုလို့ ပြောလို့ရသလို ပျော်ရွှင်ခြင်းကိုလေ့လာတဲ့ စာအုပ်တစ်အုပ်လို့လည်း ပြောလို့ရပါတယ်။ စာမျက်နှာတွေကြား ခရီးထွက်ရင်း ပျော်ရွှင်ခြင်းဆိုတဲ့အရာရဲ့ မာယာ၊ လျှို့ဝှက်ချက်နဲ့ အဖြေတချို့ကို ရှာတွေ့နိုင်ပါလိမ့်မယ်။