ဖေဖေနဲ့မေမေ ဘာဖြစ်လို့ အတူမနေချင်တာလဲ

အကျဉ်းချုပ်

အိုင်ရင်းက သူ့မိဘတွေ ကွာရှင်းပြတ်စဲဖို့ စီစဉ်နေဆဲအချိန်၊ တကျက်ကျက်ရန်ဖြစ်နေတဲ့ အခိုက်အတန့်မှာ ကိုယ့်ဘာသာရှာဖွေတွေ့ရှိခဲ့တဲ့ ဆယ်နှစ်အရွယ် ကလေးမလေးတစ်ယောက်ပါ။ သူက ဝမ်းနည်းပြီး စိတ်ရှုပ်ထွေးနေတာမို့ သူ့ရဲ့ စိတ်ခံစားချက်တွေကို ဒိုင်ယာရီလေးထဲ ရင်ဖွင့်ရေးချရင်း မိဘနှစ်ဦး ကွာရှင်းပြတ်စဲခြင်းကို ပိုမိုနားလည်လာခဲ့ပါတယ်။ သူ့ရဲ့ဘွားဘွားနဲ့ ဝက်ဝံရုပ်လေးရဲ့ အကူအညီနဲ့ သူ့မိဘတွေ ကွာရှင်းပြတ်စဲဖို့ စီစဉ်နေတဲ့ကာလအတွင်းမှာ သူတို့ဆီက သူဘာလိုချင်သလဲ၊ ဘာတောင်းဆိုချင်သလဲဆိုတာကို ထုတ်ဖော်ပြောဆိုနိုင်ခဲ့ပါတယ်။ ဒီစာအုပ်လေးက စာရေးသူရဲ့ ကိုယ်ပိုင်ဇာတ်လမ်းလေးကို အခြေခံပြီး ပေါက်ဖွားလာတာ ဖြစ်ပါတယ်။ အဓိကရည်ရွယ်ချက်ကတော့ မိဘတွေက ကလေးတွေရဲ့ ခံစားချက်၊ လိုအပ်ချက်နဲ့ အတွေးတွေကို ကွာရှင်းပြတ်စဲဖို့ မလုပ်ခင်၊ လုပ်နေချိန်နဲ့ လုပ်ပြီးချိန်တို့မှာ သေချာနားလည်သဘောပေါက်စေဖို့ပါပဲ။ နောက်ပြီး ဒီစာအုပ်လေးက ကလေးတွေကို သူတို့ဟာ တစ်ယောက်တည်း မဟုတ်ဘူး၊ ဟန်ချက်က အဆုံးသတ်မှာ ပြန်ပြီးတည့်မတ်သွားမယ်ဆိုတဲ့အကြောင်း သိအောင်လည်း ကူညီပေးနိုင်စေဖို့ပါ။