ူမမ္မာစကြာ မဟာဋီကာသစ်ကျမ်းကြီး (ဒုတိယအကြိမ်)

အကျဉ်းချုပ်

ဤကျမ်းကြီးကို ၁၂၇၆ ခု နတ်တော်လတွင် ရေးသားခဲ့ခြင်းဖြစ်ရာ နှစ်ပေါင်း ၁၀၀ ပင် ကျော်ခဲ့ပါပြီ။ ဗုဒ္ဓမြတ်စွာ၏ တရားဦးဖြစ်တော်မူသော "ဓမ္မစကြာ တရားတော်ကို ဗုဒ္ဓ ဘာသာဝင်များ အလွယ်တကူ မှတ်ယူနိုင်စိမ့်သောငှာ “ဓမ္မစကြာ မဟာဋီကာသစ် ကျမ်းကြီး” ကို ရေးသားစီရင်တော်မူခဲ့ခြင်းဖြစ်ပါသည်။ ပိဋကဗျူဟာအဖွဲ့အနေဖြင့် ဤကျမ်းကြီးကို ပြန်လည်ဖော်ထုတ်ရိုက်နှိပ်ရန် စီစဉ်ခဲ့သည်မှာ ၃-နှစ်ခန့်ပင် ကြာခဲ့ပါသည်။ ပိဋကဗျူဟာအဖွဲ့၏မူအရ ရိုက်နှိပ်ထုတ်ဝေသည့်စာအုပ်တိုင်းကို နောင်အရှည် စဉ်ဆက်မပြတ် ရိုက်နှိပ်နိုင်ရန် ရည်ရွယ်၍ အရင်းမပျောက်အလှူငွေအဖြစ် စာအုပ်လှူဒါန်းသည့်ပုဂ္ဂိုလ်များကိုလည်း ဆရာမောင်လူမွှေး(မြန်မာမှု)မှ ဆက်စပ် ရှာဖွေပေးခဲ့ပါသည်။ ဤစာအုပ်ကို ပုံနှိပ်ဖော်ပြနိုင်ရန်အတွက် စေတနာထက်သန်စွာချီးမြှင့်ပေးခဲ့ ပါသောစစ်ကိုင်းတောင်ရိုး၊ ပဋ္ဌာန်းသိပ္ပံဆရာတော် ဘဒ္ဒန္တ တရုဏပဏ္ဍိတ“ ကိုလည်း ပိဋကဗျူဟာအဖွဲ့ကြီးမှအထူးကျေးဇူးတင်ဂါရဝပြုမှတ်တမ်းတင်အပ်ပါသည်။ ဤကဲ့သို့ ရှားပါး တန်ဖိုးကြီးလှသော ပေစာ၊ ပရပိုက်စာ၊စာအုပ်စာပေကျမ်းစာများကို တွေ့ ရှိ၍ ပေးပို့ပါကလည်း ပိဋကဗျူဟာအဖွဲ့မှ ဗုဒ္ဓဘာသာဝင်တို့၏ အကျိုးအတွက် ဤကဲ့သို့ပင် ဂုဏ်ယူစွာရိုက်နှိပ်မည်။