ဗုဒ္ဓဘာသာဖတ်ရန်၊မှတ်ရန်နှင့်သိထားရန်အချက်များ

အကျဉ်းချုပ်

ဤစာအုပ်ကို ပြုစုရာ၌ ဗုဒ္ဓဘာသာဝင်များ အနေနှင့် အခြေခံ သိထားရန် လိုအပ်သည့် အချက်များကို ဗုဒ္ဓဘာသာ စာပေဆိုင်ရာ စာအုပ် စာတမ်း အများအပြားကို လေ့လာ၍ စုဆောင်း ပြုစု တင်ပြထားခြင်း ဖြစ်ပါသည်။ အထူးသဖြင့် ဗုဒ္ဓဘာသာကို အင်္ဂလိပ် ဘာသာဖြင့် ယှဉ်တွဲ လေ့လာ လိုသူ ခေတ်ပညာတတ် လူငယ်များ အတွက် ရည်ရွယ်၍ ပြုစုထားခြင်း ဖြစ်ပါသည်။ ပြုစုရာတွင်လည်း ထေရဝါဒ ဗုဒ္ဓဘာသာ အတွင်းသို့ မလို လားအပ်သည့် အခြား ဟိန္ဒူဝါဒ၊ ဗြဟ္မဏဝါဒနှင့် တန္တရ၊ မန္တရဝါဒများ ပါဝင် ရောယှက်လာခြင်း မရှိစေရန် အထူး ဂရုပြု ရေးသား ပြုစုထားပါ သည်။ ဖတ်ရှုသူသည် ထေရဝါဒ ဗုဒ္ဓဘာသာ အတွေးအမြင်များကိုလည်း သိရှိ သဘောပေါက် နားလည်လာမည်ဟု ယုံကြည်ပါသည်။ ဤစာအုပ်ကို ရေးသား ပြုစုရာတွင် သူငယ်ချင်း နှစ်ဦး အပြန်အလှန် ပြောဆို ဆွေးနွေးခြင်း၊ မသိသည်ကို မေးမြန်းခြင်းနှင့် ပြန်လည် ဖြေ ကြားခြင်း သဘောဖြင့် ရေးသားထားခြင်း ဖြစ်၍ ဖတ်ရှု လေ့လာသူများ အနေနှင့် မှတ်မိရန် လွယ်ကူပြီး ထေရဝါဒ ဗုဒ္ဓဘာသာ အသိအမြင် ဗဟု သုတများ အတော်အတန် ရရှိကြမည်ဟု ယုံကြည်ပါသည်။ ဗဟုသုတ များ ရရှိကြသည်ဟု ဆိုလျှင်ပင် ရေးသား ပြုစုသူ အနေဖြင့် ပြုစုရကျိုး နပ်ပြီ ဖြစ်ပါသည်။