ထိုင်း ဝတ္ထုတိုများ

အကျဉ်းချုပ်

မြန်မာနိုင်ငံနဲ့ထိုင်းကတော့ ရေမြေခြားတာ၊ စကားနဲ့စာ ခြားတာမှန်ပေမဲ့ ထေရဝါဒဗုဒ္ဓဘာသာကို ကိုးကွယ်ကြတဲ့နိုင်ငံတွေဖြစ်ပြီး ယဉ်ကျေးမှုနဲ့ ရိုးရာ ဓလေ့ထုံးစံတွေက တော်တော်နီးစပ်ပြီး တပြည့်တပြည် စီးဝင်ဖလှယ်မှုတွေ ခေတ်အဆက်ဆက်ကစပြီး ရှိခဲ့တာမို့ တချို့များ တူညီနေလိုက်ကြတာ ဘယ်က မူလဘူတမှန်းတောင် မသိနိုင်အောင်ရှိတာတွေ ရှိပါတယ်။ ပြီးတော့ ရုပ်သွင် လက္ခဏာချင်းကလည်း တူညီတဲ့အဝတ်အစားကိုသာဝတ်ထားရင် ဘယ်သူဟာ မြန်မာ၊ ဘယ်သူဟာ ထိုင်းလို့ ခွဲခြားသိဖို့တောင်ခက်ပါတယ်။ နောက် သူတို့ဝတ္ထုကလေးတွေကို ဖတ်ကြည့်လိုက်ပြန်တော့လည်း မြန်မာ ပြည်သူတွေအနေနဲ့ ကျကျနနခံစားနိုင်တာကို တွေ့ရပါတယ်။ ဒါ့ကြောင့် စာပေ ကတစ်ဆင့် သိနားလည်ရေး ချစ်ကြည်ရေးတည်ဆောက်ရရင် ကောင်းလေရဲ့လို့ အခုလို ဘာသာပြန်တာဖြစ်ပါတယ်။ သိနားလည်ရင် ချစ်ကြည်တယ်။ ချစ်ကြည်ရင် ငြိမ်းချမ်းတယ်။ ငြိမ်းချမ်းရင် သာယာစိုပြည်ဝပြောပါတယ်။ စာပေကတစ်ဆင့် သိနားလည်ကြပါစို့။