ချစ်သူရေးတဲ့ ကျွန်မရဲ့ ညတွေ

"ချစ်သူရေးတဲ့ ကျွန်မရဲ့ ညတွေ" ဝတ္ထုသည် အထီးကျန်ဆန်သော လပြည့်ညတစ်ညတွင် စာရေးဆရာမ (ဇာတ်လိုက်) က သူမ၏ အတိတ်အမှတ်တရများကို ပြန်လည်တမ်းတခြင်းဖြင့် စတင်ထားသည်။ သူမသည် လပြည့်လ၏ ဆွဲငင်အားက လူသားတို၏ စိတ်နှလုံးကို ထိခိုက်စေနိုင်ပုံနှင့် မိမိ၏ ချစ်သူနှင့် တစ်ချိန်တည်းတွင် လမင်းကို အတူတူကြည့်ခွင့်မရသည့် အခြေအနေကို ဝမ်းနည်းကြေကွဲစွာ ခံစားနေရသူဖြစ်သည်။ ဝတ္ထု၏ အဓိက အချိုးအကွေ့တစ်ခုမှာ ဂန္ဓမာပြတိုက်သစ်ကြီး၏ ဖွင့်ပွဲနေ့တွင် ဗင်းဆင့်ဗန်ဂိုး၏ "အိုင်းရစ်စ်ပန်းများ" ပန်းချီကားကို ငေးမောကြည့်နေစဉ် နေသန်ဆိုသည့် လူငယ်နှင့် ဆုံတွေ့ခဲ့ခြင်းပင်ဖြစ်သည်။ နေသန်သည် ထိုပြတိုက်၏ ဓာတ်ပုံဆိုင်ရာ လက်ထောက်ပြတိုက်မှူးဖြစ်ပြီး၊ သူတိုနှစ်ဦးသည် ပန်းချီကားများအကြောင်း၊ အနုပညာရှင်တို၏ စိတ်ခံစားမှုများနှင့် အမှတ်တရများအကြောင်းကို ရင်းနှီးပွင့်လင်းစွာ ဆွေးနွေးရင်း ဆန်းကြယ်သော ညတစ်ည၏ အဓိပ္ပာယ်ကို ဖော်ဆောင်ထားသည်။

"ကျွန်မဘဝမှာ ဆန်းကျယ်စွာ အဓိပ္ပါယ်ရှိသောညတွေကို ပိုင်ဆိုင်ခဲ့ရဖူးပါသည်။ ပန်းချီဆရာအမျိုးမျိုး အနုပညာရှင်အမျိုးမျိုး၏ ဆေးစက်တွေ၊ စုတ်ချက်တွေ ကွဲပြားခြားနားစွာ အဓိပ္ပါယ်တွေ ရှိနေသလိုပဲပေါ့.."