သက်တံတို့ဖြင့်ရက်ဖွဲ့ ချစ်သူရဲ့ခြုံလွှာ

'သက်တံ့တို့ဖြင့်ရက်ဖွဲ့ ချစ်သူရဲ့ခြုံလွှာ” ဝတ္ထုရှည်သည် မိသားစုမေတ္တာနှင့် သံယောဇဉ်အကြောင်းကို အနုပညာမြောက်စွာ သရုပ်ဖော်ထားသော ဇာတ်လမ်းတစ်ပုဒ်ဖြစ်သည်။ ဇာတ်လမ်းအစတွင် မိခင်ဖြစ်သူ၏ နောက်ဆုံးထွက်သက်အချိန်၌ သမီးဖြစ်သူ ခင်လွန်းမြတ်က မိခင်ကိုယ်တိုင် လက်မှုပညာဖြင့် အပင်ပန်းခံရက်လုပ်ခဲ့သည့် “ရွှေစပယ်ဖြူ” အမည်ရှိ အဖိုးတန်ချည်သားခြုံစောင်ကို ထုတ်ယူကြည့်ရှုရင်း မိခင်အပေါ်ထားရှိသော ဂါရဝတရားနှင့် ပူဆွေးမှုတိုကို ခံစားရပုံဖြင့် စတင်ထားသည်။ ထိုခြုံစောင်သည် မိသားစုအတွက် မေတ္တာနှင့် မျှော်လင့်ချက်တို၏ ပြယုဂ်တစ်ခုဖြစ်ပြီး မိခင်ဖြစ်သူ စုဆောင်းသိမ်းဆည်းထားသည့် ခြုံစောင်နှစ်ထည်အနက် တစ်ထည်တည်းသာ တွေ့ရှိရသဖြင့် ကျန်ရှိနေသော အခြားတစ်ထည်၏ တည်ရှိမှုကိုလည်း ရှာဖွေလိုသည့် စိတ်ဆန္ဒများ ဖြစ်ပေါ်စေခဲ့သည်။ ဝတ္ထု၏ နောက်ပိုင်းကဏ္ဍတွင် နေရီဘုန်းကျော် အမည်ရှိ မိန်းကလေးတစ်ဦး၏ ခေတ်သစ်လူမှုဘဝနှင့် ခံစားချက်များကို တစ်လှည့်စီ တင်ပြထားသည်။ သူမသည် လူမှုကွန်ရက်ပေါ်တွင် သူငယ်ချင်းဖြစ်သူ ဖိုးခွား၏ လုပ်ဆောင်ချက်များကြောင့် စိတ်လှုပ်ရှား၊ ဒေါသထွက်ရပုံနှင့်အတူ သူမရေးသားခဲ့သော ချည်စောင်နှင့်ပတ်သက်သည့် ဆောင်းပါးတစ်ပုဒ်ကြောင့် ညီဟန်မိုး အမည်ရှိ အမျိုးသားတစ်ဦး၏ ဆက်သွယ်လာမှုကို ရရှိခဲ့သည်။ ဤဝတ္ထုသည် အတိတ်မှ အဖိုးတန်အမှတ်တရများ၊ မိခင်နှင့်သမီးကြားက နက်ရှိင်းသော သံယောဇဉ်များနှင့် ခေတ်သစ်လူငယ်တို့၏ အချစ်နှင့် သံယောဇဉ် အလွှာအသီးသီးကို “ခြုံလွှာ” တစ်ခုကဲ့သို ယှက်နွယ်ကာ ရေးဖွဲထားသော လက်ရာတစ်ခု ဖြစ်သည်။

"အချို့အတွက်တော့ အချစ်သည် ခြုံလွှာတစ်စလိုပါးလျ သို့စဉ်လျက် ပိတ်ဆီး နီးနေလည်း ဝေးသည်သို့ လှမ်းနေလည်း ရောက်နိုင်ခဲဘိခြင်း လတစ်စင်းနှင့်အပြိုင်.."