မေတ္တာအေး တရားပေါင်းချုပ် အတွဲ (၁)

အကျဉ်းချုပ်

ပန်းပန်မှ လှမယ် ဆိုတာ မြတ်စွာဘုရားဟောခဲ့တဲ့ ကုသိုလ် ပန်းဆယ်ပွင့်၊ အကျဉ်းချုပ်တော့ သုံးပွင့်၊ ဒီ ဒါန၊ သီလ၊ ဘာဝနာဆိုတဲ့ ကုသိုလ်ပန်းပွင့် တွေကို သာသနာတော်နဲ့ တွေ့တုန်းလေးမှာ အားပါးတရ ပန်ဆင်သွားကြ မယ် ဆိုရင် တစ်ဘဝသာ မဟုတ်ပါဘူး၊ သံသရာတစ်လျှောက်လုံး နိဗ္ဗာန် ရောက်တဲ့အထိ မိမိရဲ့ဘဝကို တိုးတက်သွားနိုင်ပါတယ်၊ မြင့်မားသွားနိုင်ပါ တယ် လှသထက် လှနိုင်ပါတယ်။ ဒါကြောင့် မိမိတို့ရဲ့ ခန္ဓာကိုယ်လေးလှဖို့ ပကတိ ပန်းကလေးတွေတောင်မှ နေ့စဉ်ဝယ်ပြီး မြတ်မြတ်နိုးနိုးနဲ့ ပန်ဆင်ပြီးတော့ အလှပြင်ကြတယ် ဆိုရင် မြတ်စွာဘုရားပေးခဲ့တဲ့ ပန်းဟာ ထာဝရလှတဲ့ပန်းပါ။ ဘယ်တော့မှ မနွမ်း မကြွေမခြောက်ပါဘူး၊ ဘယ်တော့မှရနံ့မပြယ်ပါဘူး။ အမြဲထာဝရလှနေတဲ့ ကုသိုလ်ပန်းတွေကို အားလုံးသော သူတော်ကောင်းတို့ ဘဝ လှကြရလေ အောင် နေ့စဉ် နေ့စဉ် သာသနာတော်ကြီးကို အမှီပြုပြီးတော့ ဒါန၊ သီလ၊ ဘာဝနာဆိုတဲ့ကုသိုလ်ပန်းတွေကို ကြိုးစားပြုပြင် ပန်ဆင်နိုင်ကြပါစေ။