ဓမ္မပဒဌကထာဂါထာယောဇနာ

အကျဉ်းချုပ်

ဤ “ဓမ္မပဒဋ္ဌကထာဂါထာယောဇနာ” ကျမ်းစာသည် သာသနာလင်္ကာရ သာမဏေကျော် စာချ စာသင်အရှင်မြတ်များအား အကျိုးများသည့် ရှေးဟောင်း စာမူတစ်ခုဖြစ်ပါသည်။ ဤစာမူနှင့်စပ်၍ ပဲခူးမြို့၊ ချမ်းမြေ့ဇေယျသာမဏေကျော်တက္ကသိုလ် ကျောင်းမှ ဆရာတော် ဦးဥက္ကံသာလင်္ကာရ က ပိဋကဗျူဟာအဖွဲ့အနေနှင့် ပြန်လည် ရိုက်နှိပ်ထုတ်ဝေလျှင် အကျိုးများနိုင်ကြောင်း ပိဋကဗျူဟာအဖွဲ့ဥက္ကဋ္ဌ၊ အတွင်းရေးမှူးနှင့် အဖွဲ့ဝင်လူကြီးများအား ကျောင်းတိုက်သို့ ရောက်ရှိစဉ် အမိန့် ရှိခဲ့ပါသည်။ ပိဋကဗျူဟာအဖွဲ့၏ သာသနာပြုလုပ်ငန်းစဉ်နှင့်လည်း ကိုက်ညီသဖြင့် အဖွဲ့ဥက္ကဋ္ဌ၊ အတွင်းရေးမှူးနှင့် အဖွဲ့လူကြီးများသည် ရိုက်နှိပ်ထုတ်ဝေရန် အစည်းအဝေးတင်ပြပြီး အစည်းအဝေးဆုံးဖြတ်ချက်နှင့်အညီ ကျမ်းပြုဆရာတော်၏ မူရင်းအတိုင်း ပြန်လည်ရိုက်နှိပ်၍ ထုတ်ဝေဖြန့်ချိရပါသည်။