စကားဝါ

အကျဉ်းချုပ်

စကားဝါ..ဟာ ပျက်စီးသွားတဲ့ ရည်ရွယ်ချက်တစ်ခုရဲ့ လက်ကျန်တည်နေရာ။ စကားဝါကို ရောက်တဲ့အခါ နေရာသစ်တစ်ခုကို ရောက်လာတဲ့ ခံစားချက်မျိုး မခံစားရဘူး။ အိုဟောင်းနေတဲ့ အိပ်မက်ဆိုးထဲ ဝင်တိုးလိုက်ရသလို အုံ့မှိုင်းခြောက်သွေ့သွားစေတယ်။ အဲဒီနေရာ၊ အဲဒီ စကားဝါရွာမှာ ဖြစ်ပျက်ခဲ့တဲ့ အဖြစ်ဆိုးတစ်ခု။ အသက်ပေးလိုက်ရတဲ့ လူ ၉ ယောက်။ မသေဘဲ ကျန်ရစ်ခဲ့သူက မင်းခန့်ထူး ဆိုတဲ့ လူငယ်။ နှစ်ပေါင်းများစွာ ကြာသွားတဲ့အခါ . . သူဇာလွင် ဆိုတဲ့ သတင်းထောက်တစ်ဦး။ သူက အင်မတန် ကြိုးစားတဲ့သူ၊ ရည်မှန်းချက်ကြီးတဲ့သူ။ စကားဝါရဲ့ နောက်ကြောင်းကို ဘယ်သူ့ကိုမှ ပြောမပြဘဲ ရေငုံနှုတ်ပိတ်နေခဲ့တဲ့ မင်းခန့်ထူးက- - သူဇာလွင်နဲ့ တွေ့ချင်တယ်၊ စကားဝါပုံပြင်ကို အပြည့်အစုံ ပြောပြချင်တယ်ဆိုပြီး ကမ်းလှမ်းလာတယ်။ ဒီနှစ်ယောက်ရဲ့ အပြန်အလှန် အမေးအဖြေတွေကြားမှာ စကားဝါရဲ့ ကြောက်စရာ၊ ရင်နင့်စရာ၊ မယုံနိုင်စရာ * ဇာတ်လမ်းက တစ်စပြီးတစ်စ ရုပ်လုံးပေါ်လာတယ်။