ဘာသာစာပေ အသွေးအရောင် အဆင်အကွက်

အကျဉ်းချုပ်

*မြန်မာနိုင်ငံ သုတေသနအသင်းဂျာနယ် (Journal of the Burma Research Society) တွင် ဘာသာစာပေ ပညာရှင်ကြီးများ အင်္ဂလိပ်ဘာသာ ဖြင့် ရေးသားခဲ့သော စာတမ်းအချို့ကို မြန်မာစာဖတ်ပရိသတ် သတိမူမိစေ လိုသော ရည်ရွယ်ချက်ဖြင့် မြန်မာဘာသာပြန်၍ မဟေသီ မဂ္ဂဇင်းတွင် ဖော်ပြ ခဲ့ရာ ထိုဆောင်းပါးများကိုလည်း ထည့်သွင်းထားပါသည်။ ရန်ကုန် အဝေးသင်တက္ကသိုလ်၊ မော်လမြိုင်တက္ကသိုလ် အထိမ်းအမှတ် ပွဲများ၊ ကေတုမတီ နှစ်ငါးရာပြည့် အထိမ်းအမှတ်ပွဲ၊ ဆရာကြီး ဦးသော်ဇင် ရာပြည့် အထိမ်းအမှတ်ပွဲများတွင် စာတမ်းဖတ်ရန် ဖိတ်ကြားသည့်အတွက် ပြုစုဖတ်ကြားသော စာတမ်းများလည်း ပါဝင်ပါသည်။ မြဝတီမဂ္ဂဇင်းတွင် ရေးသားသော မြန်မာဝေါဟာရ ရင်းမြစ်ဆိုင်ရာ ဆောင်းပါးများနှင့် Life Style မဂ္ဂဇင်းနှင့် ငွေတာရီ မဂ္ဂဇင်းတို့တွင် ရေးသား သော ကျွန်တော် ဖတ်ခဲ့သော စာများအကြောင်း ဆောင်းပါးများကိုလည်း ထည့်သွင်းထားပါသည်။ ဤစာစုသည် စာအုပ်၏ ခေါင်းစဉ်နှင့်အညီ မြန်မာဘာသာစကားနှင့် မြန်မာစာပေတို့၏ အရောင်အသွေး အဆင်အကွက်များကို တစ်ခန်း တစ် ကဏ္ဍ ပုံဖော်ပေးနိုင်လိမ့်မည်ဟု ယုံကြည်ပါသည်။ ဤစာစုကို စာအုပ်အဖြစ် ပုံဖော်ပေးသော ရာပြည့်ဦးစိုးညွန့်ကို ကျေးဇူး တင်ပါသည်။