ငွေနှင့် မိန်းမ

“ငွေအကြောင်းကို မည်သည့်ကျမ်း၌ မည်သို့ဟောသည်၊ မိန်းမ အကြောင်းကို မည်သို့ပြောသည်” စသည်ဖြင့် ကောက်နုတ်ချက်များကို စုပေါင်းဖော်ပြပေးသည့်အနေအဖြင့် စီစဉ်ရမည်လား၊ သို့တည်းမဟုတ် ဟောကြားသော အချက်အလက်များကို မူတည်၍ မိမိကိုယ်ပိုင် အရေး အသား၊ ကိုယ်ပိုင်အစီအစဉ်ဖြင့် တင်ပြရမည်လား၊ ကိုယ်ပိုင် စဉ်းစားရလေ သည်။ သို့စဉ်းစားပြီးသောအခါ ပထမနည်းကို ပယ်၍ ဒုတိယနည်းဖြင့် ဤစာအုပ်ကို ရေးသားလိုက်ပါသည်။

ဤစာအုပ်တွင် ဘုရားဟောချည်းသန့်သန့် ပါဝင်သည် မဟုတ်ပါ။ ဘုရားဟော မဟုတ်သော်လည်း ငွေနှင့်မိန်းမနှင့် ပတ်သက်၍ သိသင့် သိထိုက်သည့် အခြားအချက်အလက်များကိုလည်း ထည့်သွင်း ဖော်ပြ ထားပါသည်။