တစ်ဘဝ တစ်ခဏ

အကျဉ်းချုပ်

ဤစာစုများတွင် လူပုဂ္ဂိုလ်ဆိုင်ရာ အတွေးအမြင်များ၊ အဆိုအမိန့်များ ပါရှိသလို တစ်ဦးချင်းစီ၏ အတွေးအမြင်၊ အယူအဆ၊ အပြောအဆို၊ အဆက်အဆံ၊ အပြု အမူများကိုလည်း ပန်းချီကားချပ်တစ်ချပ်သဖွယ် စာပန်းချီ ရေးခြယ်ထားသည်။ ပြောင်းလဲတတ်သော လူ့သဘာဝကို ဖော်ညွှန်းထားချက်များ ပါရှိသလို ရိုင်းပင်းတတ် သော မြန်မာလူမျိုးတို့၏ စရိုက်ကိုလည်း ပေါ်လွင်အောင် ပြထားသည်။ ထိုကြားထဲမှ လူ့သဘာဝ၏ အငုံ့စိတ် ဖြစ်ပေါ်မှု၊ လောဘ၊ ဒေါသ၊ မောဟနှင့် မာန်မာနများကို လည်း ဆိုင်ရာအကြောင်းအရာများတွင် ဆစ်ပိုင်းဖော်ပြထားသေးသည်။ ထို့ပြင် လွန်ခဲ့သော နှစ်ပေါင်း ၈ဝ မှ ယနေ့မျက်မှောက်ကာလအထိ စာရေးသူ ဖြတ် သန်းလာခဲ့သော ဘဝအစိတ်အပိုင်းနှင့် နိုင်ငံ၏ အပြောင်းအလဲများကြားမှ ခေတ်၏ ပုံရိပ်ကို ထင်ဟပ်နေသောအဖြစ်အပျက်များနှင့် ကာလ၊ ဒေသ အခြေအနေများကို စာဖတ်သူ၏ မျက်လုံးတွင် ရေးရေးထင်လာအောင် ဖော်ပြထားသည်။ နိုင်ငံရေး၊ စီးပွားရေး၊ လူမှုရေးနှင့် အရေးအရာတို့၏ အပြောင်းအလဲနှင့် ထိုအပြောင်းအလဲတို့၏ ဂယက်ကိုပါ အရှိကို အရှိအတိုင်း ပြန်ပြောင်းပြောပြထားသည် ။