ဂန္ထဝင် အိမ်မက်

"ဂန္ထဝင်အိပ်မက်" ဝတ္ထုသည် ကမ္ဘာကျော် စာရေးဆရာများနှင့် အနုပညာရှင်များကို ဇာတ်ကောင်များအဖြစ် အသုံးပြုကာ ခေတ်ကာလမတူသူများကို တစ်နေရာတည်းတွင် စုစည်း၍ စိတ်ကူးယဉ် ရေးဖွဲ့ထားသော ဝတ္ထုတစ်ပုဒ်ဖြစ်သည်။ ဤဝတ္ထုကို မူလက ကဗျာအဖြစ် စတင်ရေးသားခဲ့ခြင်းဖြစ်ပြီး ၁၆ နှစ်ကျော်ကြာမှ လုံးချင်းဝတ္ထုအဖြစ် အကောင်အထည်ဖော်နိုင်ခဲ့ခြင်းဖြစ်သည်။ ဇာတ်လမ်းအစတွင် ရုရှားစာရေးဆရာကြီး တော်စတွိုင်း (Tolstoy) နှင့် ဝတ္ထုတိုဘုရင် ချက်ကော့ (Chekhov) တို့ကို မြန်မာနိုင်ငံရှိ ရပ်ကွက်တစ်ခုအတွင်း နေထိုင်ကြသော ဘဝတူ စာရေးဆရာများအဖြစ် ပုံဖော်ထားပြီး၊ သူတို့၏ စားဝတ်နေရေး ရုန်းကန်ရမှုနှင့် အိမ်ထောင်ရေး အခက်အခဲများကို ဟာသနှောကာ တင်ပြထားသည်။ အခြားတစ်ဖက်တွင်လည်း ဒါရိုက်တာ အော်လီဗာစတုန်း (Oliver Stone) က မင်းသား လီယိုနာဒို (Leonardo) နှင့် မင်းသမီး ကိတ်ဝင်းစလက် (Kate Winslet) တို့ကို အသုံးပြုကာ ရုပ်ရှင်ရိုက်ကူးရန် ပြင်ဆင်နေသည့် ရှုတင်မြင်ကွင်းများကို ဖော်ပြထားသည်။ စာရေးဆရာက ဤဝတ္ထုသည် မြန်မာစာပေလောကတွင် တစ်ခါမှ မပေါ်ပေါက်ဖူးသေးသော တင်ပြပုံအသစ်ဖြစ်ကြောင်း အာမခံထားပါသည်။