Mindfulness အကြောင်းတစေ့ တစောင်း

ဤစာအုပ်သည် ရိပ်သာဘုန်းကြီးဟောသည့် ဝိပဿနာနှင့် အိမ်က ကလေးများပြောသည့် Mindfulness တို့ကြား ဗျာများနေသည့် လူကြီး သူမများကို ကရုဏာရှေ့ထားပြီး ရှင်းပြမည်ဖြစ်ပြီး Mindfulness ဆိုသည်ကို ကြားဖူးရုံမျှကြားဖူးပြီး ဂဃနဏမသိသူ လူကြီးလူငယ်များ၊ Mindfulness ကို တကယ်ပင် ကျင့်ကြံအားထုတ်ပြီး အကျိုးရနေသော်လည်း စာနှင့်ပေနှင့် ချိန်ကြည့်၊ တိုက်ကြည့်လိုသူ လူငယ်များအတွက် အသုံးဝင်ပေလိမ့်မည်။

ထို့အပြင် Mindfulness အကြောင်းကို မသိသေး၊ မကြားဖူးသေးသည့် စူးစူးစမ်းစမ်း သိလိုစိတ်များသည့် စာဖတ်ပရိသတ်များအတွက်လည်း အသိအမြင် အသစ်တွေ ရလိမ့်မည်ဟု မျှော်လင့်ပြီး ရေးပါသည်။