ဗုဒ္ဓနှင့်ဒေဝဒတ်

အကျဉ်းချုပ်

ဤဝတ္ထုတွင် အရှင်ဒေဝဒတ်နှင့် ပတ်သက်သော ဇာတ်ပေါင်း (၇၇) ဇာတ်တို့၌ မှတ်သားစရာကောင်းသော ဇာတ်အချို့ကို မူရင်းအဋ္ဌကထာအတိုင်း အပြည့်အစုံ ဖော်ပြ ထားပါသည်။ အရေးမကြီးဟု ထင်ရသော ဇာတ်တို့ကို အကျဉ်းချုပ်ထားပါသည်။ ထို့ပြင် အရှင်ဒေဝဒတ်နှင့် ပတ်သက်၍ ဟောတော်မူခဲ့သော သုတ္တန်တို့ကိုလည်း မူရင်းပါဠိတော် အတိုင်း တတ်နိုင်သမျှ အပြည့်အစုံ ဖော်ပြထားပါသည်။ ဤဝတ္ထု၏ အနှစ်သာရကား အဆိုးနှင့် အကောင်းသာ ဖြစ်ပါသည်။ တစ်နည်းအား ဖြင့် အရှင်ဒေဝဒတ်၏ လောဘနှင့် ဒေါသတရားတို့ မည်မျှ ဆိုးဝါးကြောင်းနှင့် ဗုဒ္ဓမြတ်စွာ ၏ မေတ္တာ ကရုဏာ ခန္တီတရားတို့ မည်မျှ မြင့်မြတ်ကြောင်းပင် ဖြစ်ပါသည်။ ဤဝတ္ထုဖြင့် ဤလောက၌ အရှင်ဒေဝဒတ်လို ပုဂ္ဂိုလ်မျိုး အလျှင်း မပေါ်ပေါက်ဘဲ ဘုရားလောင်းလို ပုဂ္ဂိုလ်မျိုးချည်းသာ ပေါ်ပေါက်လာအောင် မတတ်နိုင်စေကာမူ အဆိုးနှင့် အကောင်းကိုကား သိတန်သမျှ သိနိုင်ကြလိမ့်မည်ဟု မျှော်လင့်ပါသတည်း။