ဓမ္မဝိနယစကားဝိုင်းစကားဝိုင်း

အကျဉ်းချုပ်

ဤသို့ မိမိတို့ ကိုးကွယ်ဆည်းကပ်ရာဖြစ်တော်မူကြသော သံဃာတော် အရှင်သူမြတ်များ သီလစင်ကြယ်ရေးကို မျှော်ကိုး၍ ၂ဝ၂ဝ -ခုနှစ် ဖေဖော်ဝါရီလ တွင် ရန်ကုန်မြို့၊ လှိုင်မြို့နယ်၊ သံလမ်းမှတ်တိုင်၊ MPT Condo / (၉) လွှာ (ဗ)၊ YAB ရုံးခန်း၌ ကပ္ပိယသင်တန်းကို ပို့ချပေးခဲ့သည်။ သင်တန်းသူ၊ သင်တန်းသားများ ၆ဝ ခန့် တက်ရောက် သင်ယူခဲ့ကြသည်။ လူတိုင်းသိသင့် သည့်အတွက်ကြောင့် ကျယ်ကျယ်ပြန့်ပြန့် ဖြစ်စေရန် Dhammadownload က တိုက်ရိုက် ထုတ်လွှင့်ခဲ့လေသည်။ Dhammadownload မိသားစု၏ ကျေးဇူးကြောင့် မြန်မာသာမက ကမ္ဘာ့နိုင်ငံအသီးသီးသို့ ရောက်နေကြသော မြန်မာလူမျိုးများ တိုက်ရိုက် သင်ယူနိုင်ခဲ့ကြလေသည်။ ထိုသင်တန်း၏ အကျိုးဆက်က အလွန်များလှသည်။ ကပ္ပိယသင်တန်းကို နာယူကြပြီး ဝိနည်း အလေးပြုသော ရှင်ရဟန်းများတိုးပွားလာခဲ့သည်။ ဒကာဒကာမများ ဝိနည်းတော်နှင့်အညီ လှူဒါန်းတတ်လာကြသည်။ လူ့ဘဝကို စွန့်ကာ ရဟန်း ဝတ်လိုသူများ ပေါ်ပေါက်လာခဲ့ကြသည်။ ထို့ကြောင့် ကပ္ပိယသင်တန်းသည် အလွန်ကျေးဇူးများခဲ့လေသည်။