အဆင့်ဆင့်ပြောင်းလဲလာသော မြန်မာ့သမိုင်း (ဒုတိယတွဲ)

သမိုင်းပညာရပ်၏သဘောသည် သိပ္ပံပညာနှင့်မတူ ကွဲပြားခြားနားသည်။ သိပ္ပံပညာတွင် အမှန်ကို အမှန်၊ အမှားကို အမှား ယတိပြတ်ပြောဆိုနိုင်သည်။ အမှန်နှင့် အမှားကြား ခိုင်မာသောစည်းရှိသည်။ သမိုင်းဘာသာရပ်သည် ထိုသို့မဟုတ်၊ အမှားနှင့် အမှန်ကြား အငြင်းအခုံလုပ်နိုင်သော နယ်ပယ်ရှိသည်။ ““ပန်းပေါင်းတစ်ရာ ပွင့်ပါစေ၊ အတွေးအခေါ် ဂိုဏ်းပေါင်းတစ်ရာယှဉ်ပြိုင်ကြပါစေ” ဟူသော တရုတ်အဆိုရှိသည့် အတိုင်း သိပ္ပံပညာရှင်များကဲ့သို့မဟုတ် သမိုင်းပညာရှင်များ ငြင်းခုံလေ့ရှိကြသည်။ ဒေါ်နီနီမြင့်၏စာအုပ်ကို စိတ်ပါဝင်စားကြမည်ဟု ယုံကြည်သကဲ့သို့ ဤခေတ်ကာလ နှင့်ပတ်သက်၍ ကွဲပြားသော အသိ၊ ကွဲပြားသောအမြင်များဖြင့် စာအုပ်များရေးလာကြ မည်ဟုလည်း မျှော်လင့်သည်။