FEAR (အကြောက်တရား)

အကျဉ်းချုပ်

ဘဝရဲ့ အပျော်ရွှင်ရဆုံးအချိန်တွေမှာတောင်မှပဲ လူအများစုဟာ အကြောက်တရားရဲ့ အရိပ် လွှမ်းမိုးမှုကို ခံနေကြရတယ်။ ဒီပျော်ရွှင်နေတဲ့ အချိန်လေး ကုန်ဆုံးသွားမှာ ကြောက်တယ်၊ ဘဝရဲ့ လိုအပ်ချက်တွေ မပြည့်ဝမှာ ကြောက်တယ်၊ ကိုယ်ချစ်တဲ့အရာတွေကို ဆုံးရှုံးရမှာ ကြောက်တယ်၊ ဘဝလုံခြုံမှုမရှိမှာ ကြောက်တယ်။ လူများစု အကြောက်ဆုံးကတော့ တစ်ချိန်မှာ ကျွန်ုပ်တို့ရဲ့ ခန္ဓာကိုယ်ကြီး ယိုယွင်းလာမယ့်အဖြစ်ပဲ။ ပတ်ဝန်းကျင်မှာ ပျော်စရာတွေနဲ့ ပြည့်နေသည့်တိုင်အောင် ကျွန်ုပ်တို့ဟာ ဘယ်တော့မှ ပျော်ရွှင်မှုကို အပြည့်အဝ မခံစားကြရဘူး။ သို့သော် ကျွန်ုပ်တို့မှာ ကြောက်စိတ်ကို စူးစိုက်ပြီး ကြည့်နိုင်တဲ့ အစွမ်းရှိတယ်။ ဒီလိုကြည့်နိုင်ရင် ကြောက်စိတ်မှာ ကျွန်ုပ်တို့ကို ဆက်ပြီး ထိန်းချုပ်နိုင်စွမ်း မရှိတော့ဘူး။ ကြောက်စိတ်ဟာ ပြောင်းလဲသွားလိမ့်မယ်။ သတိနဲ့နေတဲ့အကျင့် (ဝါ) ပစ္စုပ္ပန်မှာ အပြည့်အဝနေတဲ့အကျင့်က ကျွန်ုပ်တို့ကို အကြောက်တရားကို ရင်ဆိုင်ဖို့အတွက် အစွမ်းသတ္တိကို ပေးတယ်။ သတိနဲ့နေတဲ့အခါ ကြောက်စိတ်ကြောင့် တစ်ခုခုကို တွယ်ကပ်နေတာတွေ၊ ကိုယ်ကြောက်တဲ့ အရာတွေကနေ ထွက်ပြေးနေတာတွေ မရှိတော့ဘူး။