စာပွဲသဘင် ရွှေပြည် ဦးဘတင်၏ ဟောပြောချက်များ

မန်းရာပြည့်လို့ ခေါ်လေ့ရှိတဲ့ မန္တလေး နှစ် ၁ဝဝ ပြည့်ပွဲကို ၂၇ မေ၊ ၁၉၅၉ မှာ စတင် ကျင်းပခဲ့တယ်။ အထိမ်းအမှတ် အခမ်းအနားအပြင် ပြပွဲတွေကျင်းပ တယ်။ စာအုပ်တွေ၊ ပို့စကတ်တွေ ထုတ်ဝေတယ်။

မန်းရာပြည့်ပွဲကိုအကြောင်းပြုပြီးမန္တလေးတက္ကသိုလ်မှာရွှေပြည် ဦးဘတင်ဟောပြောခဲ့ဖူးပါတယ်။ဒီဟောပြောပွဲဟာတစ်နေ့တည်းတစ်ရက်တည်းနဲ့ပြီးသွားတဲ့ဟောပြောပွဲမဟုတ်ဘဲနှစ်ပတ်လည်ကျော်အောင်ဟောပြောခဲ့တဲ့ရက်ဆက်ဟောပြောပွဲရှည်ကြီးပါ။ရက်သတ္တတစ်ပတ်ကို သောကြာနေ့တစ်ရက်မန္တလေးတက္ကသိုလ်အေဝမ်းခန်းမမှာ ကျင်းပတယ်။ကံကောင်း ထောက်မလို့ဟောပြောပွဲတစ်လျှောက်လုံးကိုတိပ်ရီကော်ဒါနဲ့ အသံဖမ်းယူ ထားလိုက်ကြတယ်။ တိပ်ရီကော်ဒါခွေ ၃ဝ ခွေရှိပါတယ်။ ဒီဘက်ခေတ်ရောက် တော့ မန္တလေးတက္ကသိုလ် မြန်မာစာဌာနက C 90 တိပ်ခွေနဲ့ ပြန်ကူးယူတဲ့ အခါ ၄၆ ခွေရတယ်။ မြန်မာစာဌာနက ဆရာဦးအောင်ကျော်မိုး ကျေးဇူးနဲ့ ဒီ C 90 ၄၆ ခွေကို ကျွန်တော်တို့လည်းမိတ္တူကူးယူလိုက်ပါတယ်။ ၂ဝဝ၁ ခုနှစ်က မန္တလေးမှာ ရှေးဟောင်းမြန်မာစာပေရေးရာဌာနဖွင့်တဲ့ အထိမ်းအမှတ်အဖြစ် ဒီ C 90 ၄၆ ခွေကို CDနဲ့မိတ္တူကူးတဲ့အခါ CD ၂ ချပ်ရတယ်။ ဒီ CD ၂ ချပ်ကိုတော့ မန္တလေးတက္ကသိုလ် မြန်မာစာဌာနနဲ့ အနုပညာအသင်းက ပူးပေါင်းစီစဉ်တာဖြစ်ပါတယ်။