သူ့စာတွေပြောတဲ့ သိပ္ပံမောင်ဝ

အကျဉ်းချုပ်

သိပ္ပံမောင်ဝနဲ့ သူ့စာများကို လေ့လာလိုသူများအတွက် စာအုပ်ရေနည်းနည်း ထပ်မံပုံနှိပ်လိုက်ပါတယ်။ ပုံနှိပ်တဲ့စာအုပ်ရေ နည်းတာကတစ်ကြောင်း၊ လိုအပ်တယ်လို့ ယူဆတဲ့ဓာတ်ပုံနဲ့ စာဖြည့်စွက်ချက်တချို့ကို ထပ်တိုးလိုက်တာကတစ်ကြောင်း ကြောင့် အကုန်အကျပိုများလို့ စာအုပ်ရောင်းဈေး နည်းနည်း တိုးလိုက်ရပါတယ်။ “သူ့စာများကပြောပြခဲ့တဲ့ သိပ္ပံမောင်ဝအကြောင်း” ဆိုတဲ့ စာအုပ်နာမည်မှာ ရှည်လွန်းတဲ့အတွက် ဒီဒုတိယနှိပ်ခြင်းကို “သူ့စာတွေကပြောတဲ့ သိပ္ပံမောင်ဝ”လို့ ပြောင်းလိုက်ပါတယ်။ လူနာမည်ပြောင်းတာတွေ များနေတဲ့ခေတ်အခါကြီးမှာ စာအုပ် တစ်အုပ်နာမည် ဒီလိုပြောင်းတာ ကိစ္စမရှိဘူးလို့ထင်ပါတယ်။ ဒုတိယနှိပ်ခြင်းအတွက် လိုအပ်တာများကို အကြံဉာဏ် ပေးကြ၊ ဝိုင်းဝန်းကူညီကြတဲ့မိတ်ဆွေများကို ကျေးဇူးတင်ကြောင်း ဖော်ပြအပ်ပါတယ်။