ဂဠုန်ဋီကာ

အကျဉ်းချုပ်

နတ်သိကြား၊ နဂါး၊ ဂဠုန်၊ ကုမ္ဘဏ်၊ ယက္ခစသည်တို့သည် တကယ်ရှိသည် ဟုတ်သည်ဆိုသော ထောက်ခံချက် မရှိ၊ (ဝါ) မဟုတ်၊ စိတ်ကူးယဉ်သက်သက်သာ ဖြစ်သည်ဆိုသော ကန့်ကွက်ချက်ကို တင်ပြခြင်းမျိုးလည်း မဟုတ်ဘဲ စာပေဗဟုသုတအနေဖြင့် လေ့လာရာတွင် အထောက်အကူဖြစ်ရန် ရည်ရွယ်ရင်းဖြစ်သည်ဟုသာ ဆိုရပေလိမ့်မည်။ မည်သို့ဆိုစေ. . . . . မိမိတို့အနေဖြင့် မိမိတို့ ဘိုးဘေးတို့ထားရစ်ခဲ့သော အမွေအနှစ်များကို မြတ်နိုးထိန်းသိမ်း စောင့်ရှောက်ခြင်း, မှတ်တမ်းတင် အသိအမှတ်ပြုခြင်း တာဝန်ကို ကျေပွန်သင့်သည်ဟု ထင်မြင်မိပါ သည်။ တိုင်းနိုင်ငံ လူမျိုးတစ်ခု၏ အဆင့်အတန်းနှင့်တန်ဖိုးကို တိုင်းတာရာတွင် ထိုတိုင်းနိုင်ငံ လူမျိုးစုတို့၏ စာပေ၊ ကဗျာ၊ ပန်းချီ၊ ဂီတ စသော ယဉ်ကျေးမှု အမှတ်လက္ခဏများဖြင့်သာ တိုင်းတာ သတ်မှတ်ကြသည်ဆိုသော အချက်ကို မိမိတို့ ကောင်းစွာနားလည် လက်ခံကြရပေမည်တည်း။