အဂ္ဂကောင်းကင်ဘုံ တရားရုံးချုပ် နှင့် မဟူရာမာရ် (ခေါ်) ဆေတန်

ဒီဝတ္ထုဟာ ဘယ်လိုစာပေအမျိုးအစားထဲမှာ ပါသလဲဆိုတာ သတ်မှတ်ဖို့ တော်တော်ခက်ပါတယ်။ တကယ်အတည်ရေးထားတာလား ဆိုတော့ မဟုတ်ဘူး။ ဒါဖြင့် ဟာသဝတ္ထုလား ဆိုတော့လည်း မဟုတ်ပြန်ဘူး။ ခပ်တည်တည်နဲ့ နောက် ထားတာလို့ ဆိုရအောင်ကလည်း နောက်သလို ပြောင်သလိုနဲ့ အလွန်လေးနက်တဲ့ ကိစ္စတွေ ပြောထားပြန်ရော။ အဆင့်မြင့်သရော်စာလို့ တံဆိပ်တပ်ရကောင်းမလား။ သူ့ဝတ္ထုထဲက ဇာတ်ကောင်ပညာရှိတွေလို အဖြေ • ? (အန်နုန်း - မသိပါ)လို့ ပြောတာပဲ အန္တရာယ်အကင်းဆုံးဖြစ်မယ်ထင်ပါရဲ့။ဒီဝတ္ထုကို ဖတ်ရတာ နည်းနည်းတော့ လက်ဝင်ပါလိမ့်မယ်။ ဒါပေမယ့် ကြိုး စားပြီး ဖတ်ကြည့်ကြဖို့ မေတ္တာရပ်ခံချင်ပါတယ်။ တစ်ခုခုတော့ ရသွားနိုင်လိမ့် မယ်ထင်ပါတယ်။ဝတ္ထုကို ဖတ်ကြည့်တဲ့အခါ ဆရာမောင်ဝဏ္ဏအနေနဲ့ ဒဿနဗေဒ၊ စိတ်ပ ညာ၊ သမိုင်း၊ ဂမ္ဘီရ၊ နက္ခတ္တဗေဒ၊ ယုတ္တိဗေဒ၊ ရူပဗေဒ၊ ဓာတုဗေဒ၊ ဇီဝဗေဒ၊ သင်္ချာ စတဲ့ ပညာရပ်ပေါင်းစုံကို ဘယ်လောက်ထိ ဖတ်ခဲ့၊ မှတ်ခဲ့၊ လေ့လာခဲ့သလဲ ဆိုတာ ခန့်မှန်းကြည့်နိုင်ပါတယ်။ ဆရာကတော့ တစ်သက်လုံး ‘သူ မဟုတ်သလို’ နေသွားခဲ့ပါတယ်။ ဒီဝတ္ထုကျမှသာ ပုံအောပြီး သွန်ချလိုက်ပုံ ရပါတယ်။