သားရဲစိတ်ဓာတ်

အကျဉ်းချုပ်

သားရဲစိတ်ဓာတ် စာအုပ်ထဲမှာ စိတ်ဝင်စားစရာ၊ အတုယူစရာ ဇာတ်လမ်းတို ၆ဝ ကျော် ပါပါတယ်။ နယ်ပယ်အစုံက လူပေါင်းစုံရဲ့ အောင်မြင်မှုတွေ၊ ကျရှုံးမှုတွေ၊ ဖြတ်ထိုးဉာဏ်နဲ့ ဖန်တီးနိုင်စွမ်းရည်တွေကို ဇာတ်လမ်းသဖွယ် ပြောပြထားတာပါ။ ရွက်လှေတစ်စီးနဲ့ - တစ်ယောက်တည်း ကမ္ဘာပတ်ခဲ့တဲ့ အမျိုးသမီး တစ်ယောက်ရဲ့ ဇွဲ၊ လုံ့လနဲ့ ပြတ်သားတဲ့ ခံယူချက်အကြောင်း၊ နော်မန်ဒီကမ်းခြေတိုက်ပွဲမှာ အသက်ကိုရင်းပြီး ဓာတ်ပုံရိုက်ခဲ့တဲ့ ဓာတ်ပုံဆရာတစ်ယောက် အကြောင်း၊ သာမန်စံနှုန်းတွေကို လက်မခံ၊ ကိုယ့်ခံယူချက်နဲ့ကိုယ် အောင်မြင်လာကြတဲ့ ပီကာဆို၊ အန်ဒီဝါဟော စတဲ့ အနုပညာရှင်တွေရဲ့အကြောင်း . . စသဖြင့် ဇာတ်လမ်းပေါင်းစုံ ဖတ်ရပါမယ်။ လုပ်ငန်းခွင်နဲ့ ဘဝနေထိုင်မှုတွေမှာ.. သားကောင်အဖြစ် ငြိမ်ပြီး တွေဝေနေမယ့်အစား သားရဲစိတ်ဓာတ်ကိုမွေး၊ သူများထက် လက်ဦးမှုရယူ၊ အောင်မြင်ဖို့ ဖြတ်ထိုးဉာဏ်ကို ဘယ်လိုသုံးရမလဲ.. ဆိုတာကို ဒီဇာတ်လမ်းတွေထဲကနေ အတုယူနိုင်မှာပါ။