အမြဲတမ်းစွဲလမ်း တစ်ဂဏန်း စာမူများ (ဆရာဇော်ဂျီ၏ နှစ် ၁၁၁-မွေးနေ့ ဂုဏ်ပြုစာစု)

အမြဲတမ်းစွဲလမ်းတစ်ဂဏန်းသို့ ရိုကျိုးပန်ကြားဦးစွာစကား

အမျိုးသားစာဆိုကြီး ဆရာဇော်ဂျီအား စွဲမှတ်ထင်ထင် ဂုဏ်ပြုအပ်သော “ဤစာပေါင်းစု”ကို အမျိုးသားစာကြည့်တိုက်(အငြိမ်းစား)ညွှန်ကြားရေးမှူး ဆရာ ဦးမြင့်ကြိုင်က အထူးဂရုပြုစီစဉ်ထားပြီး ဖြစ်သည်။ ယင်းစာမူသည် စဉ်ဆက် ရွေ့လျား ပြောင်းလဲလျက်ဖြင့် ကြာမြင့်စွာသောကာလတွင် စာပေခရီးသွားများ၏ လက်ဝယ်သို့ ရောက်ရှိလာခဲ့ရပေပြီ။

ယင်းသည်ပင် ကျွန်မ၏ငယ်အိမ်မက်ကို ဝမ်းမြောက်စွာမက်ခွင့်ရခဲ့ခြင်းဟု ယုံကြည်မိပါသည်။ ကျွန်မချစ်ခင်လေးစားခဲ့ရသော နှစ်ခြိုက်စွာဖတ်ခွင့်ရခဲ့သော တမ်းမောစွာ တွေးခွင့်ရခဲ့သော သံဝေများစွာဖြင့်ဘဝင်ကျခဲ့ရသောကာလများကို ဆရာကြီး၏ စာ ကဗျာ အတွေး အရေးများဖြင့် ဖြတ်ကျော်ခဲ့ရသည်။ ကူးဖြတ်နေဆဲ ဖြစ်သည်။ ဆက်ကာဆက်ကာလည်း ရွေ့လျားနေရဦးမည် ဖြစ်ပေသည်။

ကာလတောင်တာရှည်ကြာသော်ငြား ဆရာ့စာ ဆရာ့စကား ဆရာ့နှလုံးသား ကား စာချစ်သူဘဝင်သာမက မြန်မာတို့ရင်ဝယ် အစဉ်ကိန်းလျက်ရှိနေပေလိမ့်မည်။

“ ဗေဒါပျံလည်း အံကိုခဲလျက် ပန်းပန်လျက် ပိတောက်ဝါလည်း နေချိုငံ့လျက် ဖူးပွင့်လျက် ရေချမ်းအိုးလည်း ရေချိုလျှံလျက် အေးမြလျက် အိုးစည်သံလည်း ထုံထုံမပျက် သောညံလျက် စေတီဦးလည်း ဖူးမော်မပျက် ဝင်းဝါလျက် သူသူငါငါ သေရွာလားလည်း ကျန်ကောင်းကျန်ရာ ကျွန့်ပြည်ရွာကား စာပေစကား အစထားလျက် စုရုံးညီညာ ပြည်လုံးဖြာသည်

သာယာပါလျက် ညီညာလျက် ” ဟု

အဖိုးဆရာ ကျွန့်ဆရာအား အကျွန် ညွှန်းလိုလှပါသည်။

တစ်ရာ့တစ်ဆယ် တစ်ပြည့်ပါသော ဆရာ့မွေးနေ့ ခါချိန်စေ့ဝယ် ကျန်ရစ်သသူ လွမ်းတသူက ဦးနှိမ်တင်သ အလီလီဂါရဝေ ကျေးဇူးစကားဆိုပါရစေ။ ဆရာ ပြုံးမိန့်နိုင်ပါစေ။

မေတ္တာဖြင့် ခင်မို့မို့နီ

(စာပေခရီးသွားများ)