ဗမာစာ ဗမာစကား

အကျဉ်းချုပ်

ကဗျာစာအုပ်ကလေးတွေ၊ စာစောင် ကလေးတွေမှာဆိုရင် ခေတ်ပေါ်စကားကိုပဲ သုံးနေကြပါပြီ။ ကဗျာမှာ ဆိုရင်တော့ အားလုံးနီးနီးလောက်ဟာ ခေတ်ပေါ်စကားနဲ့ သီကုံးတာ ချည်း။ အင်မတန် ကွန်ဆားဗတစ်ဖြစ်တဲ့ ရှေးရိုးသမား သူအိုသူမတွေ လောက်ပဲ ဂန္ထဝင်အရေးအသားတွေကို တွယ်ဖက်ထားကြတယ်။ စာဆို တော်နေ့ စာပေဟောပြောပွဲတွေ၊ ဆွေးနွေးပွဲတွေမှာဆိုရင်လည်း ဒီအရေး အသားအကြောင်းကိုပဲ လူငယ်လေးတွေက လိုလိုချင်ချင် ဆွေးနွေးကြ၊ မေးမြန်းကြပါတယ်။ အင်မတန် ကျေနပ်အားရစရာ ကောင်းတဲ့အလား အလာပါပဲ။ တကယ်ကတော့ စာပေလောကတင်မက တိုင်းပြည်ကြီး တစ်ခုလုံးရဲ့ အနာဂတ်ဟာလည်း ဒီလူငယ်တွေရဲ့ လက်ထဲမှာ တည်ရှိ နေပေတယ်။ သူတို့ပဲ ဗမာတိုင်းပြည်သစ်ရဲ့ အနုပညာအသစ်တွေ၊ စာပေအရေးအသားအသစ်တွေ ဖန်ဆင်းပြုစုသွားကြမှာ။ သူတို့ပဲ တိုင်း ပြည်ရဲ့ မျှော်လင့်ချက်တွေ။ ဒီစာအုပ်ဟာ ဒီတိုင်းပြည်ရဲ့ အညွန့်အဖူးကလေးတွေကို ဂုဏ်ပြု ရည်ညွှန်းအပ်တယ်။ သူတို့လေ့လာနေတဲ့၊ ဆွေးနွေးနေတဲ့ စာပေ အရေးအသားပြဿနာအကြောင်းကို ဒီစာအုပ်ဟာ အထိုက်အလျောက် ဝင်ရောက် ကူညီဆွေးနွေးဖော်ရလိမ့်မည်ဆိုရင်ဖြင့် ဒီစာတွေ ပြုစုရ ကျိုးနပ်လှပြီလို့ ယူဆရပေမယ်။