ခလုတ်တိုက်မိသော စရိုက်များ

အကျဉ်းချုပ်

ခလုတ်တိုက် စာပေနိဒါန်း ကျွန်တော်က “ခလုတ်တိုက်စာပေ” အရေးသန်သည်။ ခလုတ် တိုက်စာပေဆိုတာက ခရီးသွားဟန်လွှဲ မတော်တဆ တွေ့ကြုံရသော အဖြစ် သနစ်များကို အကြောင်းခံရေးသော စာပေကိုဆိုသည်။ ခလုတ်တိုက်မိသော အခါ နာကျင်ခြင်း၊ ဒဏ်ရာရခြင်း၊ တုံ့နှေးသွားခြင်းစသော အမှတ်သညာများ ဖြစ်တတ်သည်။ ထိုထိုများထဲမှ အများသူငါနှင့် သက်ဆိုင်သည်များကို ဆန်ခါချပြီး ကျွန်တော်က ရေးဖွဲ့လေ့ရှိသည်။ သည်တော့ ကျွန်တော့်စာပေ တွေက ပေါ့ပေါ့ပါးပါး ရှိသွားတတ်သည်။ ပေါ့ပေါ့တန်တန်တော့ ကျွန်တော် က မရေးပေ။ ခလုတ်တိုက်ခြင်းသည် ပေါ့ပေါ့ဆဆ နေတတ်သောကြောင့် ဖြစ်သော်လည်း ခလုတ်တိုက်မိသွားသောအခါ မှတ်မှတ်ထင်ထင်တော့ ဖြစ်ရသည် မဟုတ်လား။ ထိုနည်းတူ စာပေရေးဖွဲ ့ခြင်း သဘောအရ “ခလုတ်တိုက်” ရာမှ “ဖားပြုပ်ကိုက်”၊ နောက်တော့ “တရုတ်ရိုက်” အထိ ချဲ့လျှင်ချဲ့သလို အလင်္ကာမြောက်သွားတတ်သည်ဟု ကျွန်တော်က အယူအစွဲ ရှိလေသည်။ ထို့ကြောင့် ကျွန်တော့် စာမူများကို ဖတ်မိသော အကြင် စာဖတ်သူသည်လည်း မတော်တဆ ခလုတ်တိုက်မိသလို “ဟဲ့.. ပလုတ် တုတ်”ဟု အာမေဍိတ် ပြုမိလျှင်ပင် ကျွန်တော် ရေးရကျိုးနပ်ပြီ ဖြစ်၏။