အရှေ့ပိုင်းကရင် ခလောက်နို့ ပုံပြင်များ

အကျဉ်းချုပ်

ခလောက်နို့ကတော့ တစ်မျိုးဖြစ်တယ်။ စာပေနဲ့ ရိုးရာ ယဉ်ကျေးမှုတွေကို လိုက်စားကြတယ်။ ဘာသာနဲ့ အမျိုးကို အထူး စောင့်ရှောက်တယ်။ လောကကြီး ဘာဖြစ်ဖြစ် ဂရုမစိုက်လှဘူး။ ဒုတိယကမ္ဘာစစ်အတွင်းက ဗုံးတွေတဒိုင်းဒိုင်းချနေပေမယ့် “ဂျပန် ဗုံးချလည်း ကရင်ဒုံးက မပျက်ဘူး” ဆိုပြီး ဒုံးက နေနိုင်တဲ့ ရွာမျိုး တွေ ဖြစ်တယ်။ လောကကို ရယ်စရာလို မြင်အောင်ကြည့်နိုင်ကြ တယ်။ ဟာသပညာဟာ သူတို့ရဲ့ ဝမ်းတွင်းပါ အတတ်မျိုးလို ဖြစ်နေ တယ်။ အကြောင်းတစ်ခုခုကို ရယ်စရာထောင့်ကစပြီး မြင်တယ်။ စူးစမ်းလိုစိတ်လည်း များတယ်။ ဒီဗီဇသတ္တိတွေကြောင့် ခုအထိခလောက်နို့နယ်မှာ ဘာသာခြားအယူများ မဝင်နိုင်ဘဲ ရှိနေတာ ဖြစ်တယ်။ ကုလား၊ တရုတ်က အစ ဗမာ၊ မွန်၊ ရှမ်း စတဲ့ တိုင်းရင်းသားတွေပါ မရှိဘဲ ကရင်သန့်သန့်ချည်းသာ ရိုးရာနဲ့ ဓလေ့ ထုံးစံမပျက် နေနိုင်ခဲ့ကြတယ်။