ဥပမာသမူဟဂီရက္ကမ မည်သော သင်္ဂဇာစကားပုံပေါင်းချုပ် (လေးတွဲပေါင်းချုပ်)

အကျဉ်းချုပ်

မြတ်စွာဘုရား ဟောကြားတော်မူသော နည်းလမ်းကို မှီငြမ်း နိဿယပြု၍ နောက်နောက်သော အဋ္ဌကထာဆရာ, ဋီကာဆရာ, ကျမ်းပြုဆရာ - အသီးသီးတို့သည် မိမိတို့ရေးသားသော အဘိဓမ္မာ, သုတ္တန်, ဝိနည်း, အဋ္ဌကထာ, ဋီကာ စသောကျမ်းတို့၌ ထိုက်သည်အားလျော်စွာ ဥပမာစကားများကို ရေးသား ထည့်သွင်း၍ ပြဆိုတော်မူကြသည်။ မြတ်စွာဘုရားနှင့်တကွ အဋ္ဌကထာဆရာ, ဋီကာဆရာတို့၏ နည်းသို့ အတုလိုက်၍ နောက် နောက်သော သင်္ဂဇာဆရာတော် ဘုရားကြီး စသော ဆရာတော်ကြီး အသီးသီးတို့သည် လည်း ဥပမာစကားကို မိန့်ကြား သုံးစွဲတော်မူကြကုန်သည်။ ထိုဆရာတော်ဘုရားကြီး များနည်းသို့ အတုလိုက်၍ ယခုနောက်နောက်သော အမျိုးသားတို့သည် ဥပမာကို သုံးစွဲ ပြောဆိုကြခြင်း ဖြစ်သည်။ ဤသို့ ရှေးရှေးသော ဘုရား စသော သူတော်ကောင်းတို့၏ နည်းကောင်း ထုံးစံဖြစ်သောကြောင့် ဥပမာစကားများကို လေးစားမပြု ဂရုမစိုက်ဟူ၍ မထီမဲ့မြင် ပြုခြင်းမှ ရှောင်ရှားကြပါကုန်။