မြန်မာပြည်သား

ရန်ကုန်ဘဆွေ ရေးသားသည့် "မြန်မာပြည်သား" ဝတ္ထုသည် စစ်မဖြစ်မီက ရေးသားခဲ့သော်လည်း စစ်အတွင်း စာမူပျောက်ဆုံးသွားခဲ့ရာမှ စာရေးသူက မှတ်မိသမျှဖြင့် ပြန်လည်အားထုတ်ရေးသားထားသော လက်ရာဖြစ်သည်။ ဤဝတ္ထုတွင် ပညာဝန်ဦးဖိုးစိန်၏ ဆောင်းပါးများကို အခြေခံ၍ ရှေးမြန်မာတို့၏ ရိုးသားခမ်းနားသော ဓလေ့စရိုက်များ၊ အင်္ကျီဟင်းလင်းနှင့် ဆေးမင်ထိုးသည့် အလေ့အထများနှင့် ကျေးလက်လူနေမှုကို အချစ်၊ အမုန်း၊ မာနတို့နှင့် ရောယှက်ကာ သရုပ်ဖော်ထားသည်။ ဇာတ်လမ်း၌ ဇာတ်လိုက်မ မြခက်၏ အပျိုပေါက်ဘဝ အလှအပနှင့် လှုပ်ရှားမှုများကို မြင်ယောင်စဖွယ် ရေးဖွဲ့ထားပြီး ငယ်သူငယ်ချင်း ကောင်းမြတ်နှင့် စံလှတို့၏ "အမိုက်" ယှဉ်ပြိုင်သည့် မြန်မာ့ရိုးရာ သတ္တိပြိုင်ပွဲများမှတစ်ဆင့် လူပျို၊ အပျိုတို့၏ စရိုက်နှင့် ကျေးလက်ဝန်းကျင်၏ သာယာပုံကို ထင်ဟပ်စေသော ဝတ္ထုတစ်ပုဒ်ဖြစ်သည်။