ရာဇိန္ဒ ရာဇဝရ မဏ္ဍနီ မည်သော မုံရွေးမဟာရာဇဝင်ကျော် (စတုတ္ထအုပ်)

အကျဉ်းချုပ်

ဗဒုံမင်းသည် နန်းသက်ရှည်သဖြင့် အုပ်ချုပ်ရေးခိုင်မာအောင် စွမ်းဆောင်နိုင်ခဲ့သည်။ သို့ရာတွင် မြေးတော်ဖြစ်သူ စစ်ကိုင်းမင်း (ဘကြီးတော်)လက်ထက်တွင် ပထမအင်္ဂလိပ်ကျူးကျော်စစ်နှင့် ရင်ဆိုင်ခဲ့ရပြီး မြန်မာ့နယ်မြေအချို့ လက်လွှတ်ဆုံးရှုံးခဲ့ရသည်။ သို့ရာတွင် မှန်နန်းရာဇဝင်တွင် လည်းကောင်း, မုံရွေးရာဇဝင်ကျော်တွင် လည်းကောင်း အင်္ဂလိပ်-မြန်မာ ပထမစစ်အကြောင်း လုံးဝဖော်ပြထားခြင်း မရှိ ခဲ့ပေ။ ထို့ပြင်- လက်ရေးမူ၌ ကျမ်းပြီးသည့်နှစ်လည်း မပါရှိသည့်အပြင်၊ “ကျမ်းပြီးကြောင်း” မတွေ့ရသဖြင့် “ဆက်လက် ဘာစရာ ဖြစ်နေသည်။ မည်သို့ဆိုစေ- မုံရွေးမဟာရာဇဝင်ကျော်သည် ရေးသားရန် ကျန်ရှိနေသေးသလော” ဟု တွေးတောစရာ မြန်မာသမိုင်းတွင်သာမက မြန်မာစာပေအတွက်ပါ အားကိုးထိုက်သည့် ကျမ်းတစ်စောင်အဖြစ် လက်ခံရမည်သာ ဖြစ်သည်။ မုံရွေးရာဇဝင်ကျော် စတုတ္ထပိုင်း ပုံနှိပ်စာအုပ်ဖြစ်မြောက်ရေးအတွက် ကြိုးပမ်းအားထုတ်ခဲ့သော ကိုရွှေသိမ်းမင်းနှင့် ပန်းရွှေပြည် စာအုပ်တိုက်ကို အထူးကျေးဇူးတင်ရှိပါသည်။ ဤစာအုပ်သည် သမိုင်းလေ့လာသူများ, မြန်မာစာပေချစ်မြတ်နိုးသူများ, သမိုင်းနှင့်မြန်မာစာအထူးပြု ကျောင်းသား ကျောင်းသူများအတွက် များစွာ အထောက်အကူဖြစ်လိမ့်မည်ဟု ယုံကြည်ပါသည်။