ဥပဓိရုပ်

အကျဉ်းချုပ်

‘ဥပဓိရုပ်”ဟူသော လူ၏ ရုပ်လက္ခဏာသွင်ပြင် ကောင်းမွန် ရေးနှင့်စပ်လျဉ်း၍ စာရေးသူက လူတစ်ဦးချင်းစီ၏ ရုပ်လက္ခဏာသွင်ပြင် ကောင်းခြင်း၏ ဆိုလိုချက်ကိုရှင်းပြပြီး၊ ရုပ်ရည်သွင်ပြင်ထက် စိတ်နေ သွင်ပြင်ကောင်းမွန်ခြင်းက ဘဝတွင်အရေးကြီးကြောင်း၊ ဘဝတွင် အောင်မြင်ခြင်း၊ နေပျော်ခြင်း၊ ကျန်းမာခြင်းတို့အတွက်ပါ အထောက် အကူပြုနိုင်ကြောင်းကို ဖွင့်ဆိုရေးသားထားသည်။ဥပဓိရုပ် တည်ဆောက်မှုအကြောင်းကို ရေးသားရာ၌ အခန်း ဖွင့်တွင် “ဥပဓိရုပ်ဆိုသည်မှာ”ဟု ဖွင့်ဆိုထားပြီး၊ နိဂုံးပိုင်းတွင် “ဥပစိတ် ကောင်းလိုလျှင်' ဟု စိတ်အနေ အကောင်းအဆိုးတို့ကို စာရင်းတို့၍ ဖော်ပြထားသည်။ စာရေးသူက “စိတ်ထားလှခြင်းဖြင့် ဥပဓိရုပ် တင့်တယ်ကြပါစေ”ဟူသော တိုက်တွန်းချက် ဆုတောင်းဖြင့် အားထုတ် တင်ဆက်ထားပုံမှာ စာရေးသူတို့ထားရှိအပ်သောစေတနာ ပေါ်လွင် သည်ဟု ယူဆသဖြင့် ဆရာဝန်တင်ရွှေစာပေဆုချီးမြှင့်ရန် ထောက်ခံ ပါသည်။