ဧရာဝတီ

ဒုတိယနှိပ် စာအုပ်နိဒါန်း

ကျွန်တော်သည် ဧရာဝတီမြစ်နှင့် နှီးနွှယ်၍ ရှေးသူဟောင်းတို့၏ ရိုးရာပုံပြင်မှအစ၊ ရေမြေအလိုက် မြို့ရွာနယ်ပယ် အနေအထားနှင့် တိုင်းရင်းသားတို့၏ သမိုင်းစဉ် - လာကို နှစ်ဆယ်ရာစုနှစ် နှောင်းအထိ ထည့်သွင်း၍ စာအုပ်ပြုစုခဲ့ပါသည်။ တစ်နည်းဆိုရသော် ဧရာဝတီမြစ်၏ ကြောင်းခြင်းရာကို ယေဘုယျသဘော ဖော်ထုတ်ခြင်း ဖြစ်ပါသည်။ တိုးတက်ဖြစ်ထွန်းမှု မှန်သမျှ ကို နောက်ဆုံးအချိန် ကာလအထိပါသော သက္ကရာဇ် စဉ်မှတ်တမ်း မဟုတ်ပါ။

ထိုစာအုပ်ကို ၁၉၈ဝ ပြည့်နှစ်တွင် ထုတ်ခဲ့သည်ဖြစ်ရာ ယခုအခါ အနှစ် နှစ်ဆယ်ကျော်ကြာပြီ ဖြစ်ပါသည်။ ထို့ကြောင့် ဧရာဝတီမြစ်နှင့် မြန်မာ တို့၏ ယဉ်ကျေးမှု ဆက်စပ်ပုံကို ပြန်လည်သဘောပေါက်စေရန် ပြန်လည် ထုတ်ဝေလိုက်ပါသည်။ ပုံနှိပ်ရေးအတွက် ကူညီကြသောသူများကို အထူးကျေး ဇူးတင်ပါသည်။

တိုက်စိုး