မန္တလေးမဟာမုနိတံတိုင်းအတွင်းရှိ ကျောက်စာများ (တတိယတွဲ)

မာတိကာတွင် ကျောက်စာများကို ဆင့်ထိုး၊ စပ်ထိုး ခွဲခြား၍လည်းကောင်း၊ အရှေ့ရုံ -အနောက်ရုံဟု ပိုင်းခြား၍လည်းကောင်း၊ ကျောက်စာရေးထိုးနှစ်နှင့် ကျောက်စာတိုင်နံပါတ်များကို လည်းကောင်းဖေါ်ပြပါသည်။ ကျောက်စာ၏တည်နေရာနှင့် ရေးထိုးသည့်ခရစ်နှစ်ကို ကျောက်စာ အသီးသီး၏အောက်ခြေမှတ်တွင် ဖေါ်ပြပါသည်။

ကျောက်စာများတွင် ရေးထိုးသူများက မှားယွင်းရေးထိုးသည့် စာလုံးများပါရှိပါသည်။ သို့သော် ထိုမူလအမှားများကိုပြင်ဆင်ခြင်းမပြုဘဲ ဖြစ်သင့်သည့်စာလုံးများကိုမှားယွင်းသည့်စာလုံး များဘေးတွင် လေးဒေါင့်ကွင်းနှင့် ယှဉ်တွဲဖေါ်ပြပါသည်။ ဥပမာ သက္ကရာဇ် ၅၅၇ခုထိုး ထီးလင်း ယောကြခတ်ရွှေပေါင်လေါင်ရွှေမုတ္ထောဘုရား ၂ဆူ ကျောက်စာတွင် စည်သူမင်းကြီး ကို စည်ရှူမင်းကြီးဟု မှားယွင်းရေးထိုးသဖြင့် ရှူ၏ဘေးတွင် သူကိုလေးထောင့်ကွင်းနှင့် ဖေါ်ပြပါ သည်။