စာပေလောက

“စာပေလောက” စာအုပ်သည် ၁၉၄၇ ခုနှစ်က ဟံသာဝတီသတင်းစာကြီး၌ အပတ်စဉ် တစ်လှည့်စီ ထည့်သွင်းဖော်ပြခဲ့သော စာပေဆောင်းပါးများကို စုစည်းထုတ်ဝေသော စာအုပ်ဖြစ်သည်။

ဆရာဇော်ဂျီ၏ စာပေဆောင်းပါး ၁၀ ပုဒ်နှင့် ဆရာမင်းသုဝဏ်၏ စာပေဆောင်းပါး ၁၁ ပုဒ် ပါရှိသည်။

“စာပေလောက” စာအုပ်ပါ စာပေဆောင်းပါးများသည် လေးစားမှတ်သားထိုက်သော စာဆိုကြီးများနှင့် မြန်မာကဗျာ၊ စကားပြေ၊ ဝတ္ထု၊ ကျမ်းစာများကို စာဖတ်သူတို့ ချစ်ခင်နှစ်သက်မြတ်နိုးလာအောင် ရသမြောက် မိတ်ဖွဲ့ပေးထားသော ဆောင်းပါးကောင်းများ ဖြစ်ကြသည်။

ပုဂံ၊ မြင်စိုင်း၊ အင်းဝ၊ တောင်ငူ၊ ညောင်ရမ်း၊ ကုန်းဘောင်၊ ကိုလိုနီခေတ်တို့မှ မြန်မာစာပေသမိုင်း မှတ်တိုင်များကို ဖတ်ရှုလေ့လာနိုင်သည်။