ရွှေတိဂုံစေတီတော်ကြီးမှ ကြေးအုတ်များ

ရွှေတိဂုံစေတီတော်ကြီးသည် ကမ္ဘာကျော်ရသည်မှာ၊ ဘာသာရေးအရ၊ အရေးပါမှု ကြောင့် သာမက၊ မြန်မာ့သမိုင်း၊ မြန်မာ့ယဉ်ကျေးမှုတို့နှင့် ဆက်နွယ်နေသည့်အပြင်၊ စေတီတော်ကြီး၏ အနုပညာလက်ရာမြောက်သော အလှကြောင့်လည်းဖြစ်သည်။

အစေါဆုံးအချိန်မှစ၍ ယနေ့အထိ ရပ်နှီးရပ်ဝေးမှ ရောက်လာကြသော ဘုရားဖူး များနှင့် ဧည့်သည်တော်များသည် ရွှေတိဂုံဘုရားအရောက် သွားဖူးခဲ့ကြသည်သာများသည်။ ရောက်ကြသူတိုင်းသည် စေတီတော်ကြီးကို ကြည်ညိုပြီးလျှင်၊ ဗိသုကာလက်ရာ အံ့ဖွယ်ရာ များကို ချီးကျူးထောပနာပြုကြသည်။ မြန်မာနိုင်ငံသို့ ရောက်ဖူးသော ပြည်ပခရီးသည်ကို ရေးသားသော ခရီးသွားစာပေများတွင် ဤစေတီတော်ကြီးအကြောင်းကို အနည်းနှင့် အများ ရေးသားဖေါ်ပြကြသည်သာဖြစ်သည်။