မာတိကာဓာတုကထာဗောဓိ

အကျဉ်းချုပ်

ဒုကမာတိကာများ၌ သရုပ်များကို အမြင်ရှင်းအောင် ခွဲပြထား၏၊ အာရမ္မဏတိက် များ၌ သင်္ဂဟပါဠိနှင့် ညှိနှိုင်းကာ ရှင်းပြထား၏၊ ကေနစိဝိညေယျဒုက်၌ တစ် နည်းကား အရကောက်များကို ရှင်းပြထား၏၊ ဓာတုကထာနိဒ္ဒေသ၌ ဒုတိယ နယမှစ၍ စုဒ္ဒသမနယအထိ တရား ၃-အုပ်စုကို ဆုပ်ကိုင်ကာ သဘောပါပါဖြင့် ဟောနိုင်အောင် နည်းပေးထား၏၊ သက်ဆိုင်ရာ အဓိပ္ပါယ်များကိုလည်း ရေးပြ ထား၏၊ ဆောင်ပုဒ်လင်္ကာများဖြင့် တန်ဆာဆင်ထား၏၊ ပါဠိဂုဏ်ထူး ယူလိုသူ များအတွက် တိက်ပုဒ်, ဒုက်ပုဒ်များကို ပါဠိဘာသာဖြင့် ဖွင့်ပြထား၏၊ ဤဖွင့် ဆိုချက်များကိုကား ၁၃၂၈-ခုနှစ်, ပထမအခေါက်ပို့ချစဉ်ကပင် ပါဠိဂုဏ်ထူးယူမည့် တပည့်များအတွက် ရေးပေးခဲ့ခြင်းဖြစ်ပါသည်။ ဤပြအပ်ခဲ့သည့် အစီအစဉ်များဖြင့် အရကောက် ဆရာတော်ကြီးများ ကောက်ပြတော်မူအပ်သည့်အတိုင်း ဤ“မာတိကာ ဓာတုကထာဗောဓိ”ကို တည်ဆောက်ထားပါသည်။ ဤသို့လျှင် မာတိကာဓာတုကထာ ကျမ်းများကို လေ့လာသင်ယူသောအားဖြင့် ဘုရားရှင်၏ သဗ္ဗညုတဉာဏ်တော်၏ အစွမ်းကိုလည်းကောင်း, အရကောက်ဆရာတော် ကြီးများ၏ သဒ္ဓါအား, ဉာဏ်အား, ဝီရိယအား တို့ကိုလည်းကောင်း ကြည်ညိုကြရ အံ့သြကြရ, ချီးမွှမ်းကြရမည် ဖြစ်ပါသည်။