ဖက်သက်ပင်အရှုပ်တော်ပုံနှင့် ပါဠိမြန်မာ ဝေါဟာရဆိုင်ရာ သုတေသန အတွေးစာစုများ

အကျဉ်းချုပ်

ပါဠိစာပေလာ အပင်တွေ တိရစ္ဆာန်တွေနဲ့ ပတ်သက်တဲ့ ဘာသာပြန်အယူအဆ တွေ ကွဲပြားနေတဲ့ ဝေါဟာရတွေ အကြောင်းကို ဓမ္မဒူတမဂ္ဂဇင်း၊ ဓမ္မသုတေသနကဏ္ဍ မှာ လစဉ် ရေးသားခဲ့ပါတယ်။ အခု အဲဒီစာစုတွေကို ပြန်လည် ပြင်ဆင်မွမ်းမံပြီး စာအုပ်အဖြစ် စုစည်းထုတ်ဝေလိုက်တာ ဖြစ်ပါတယ်။ ဒီစာအုပ်မှာ ပါဠိစာပေနဲ ဆက်နွယ်တဲ့ မြန်မာဝေါဟာရတွေရဲ့ အဓိပ္ပာယ်အယူအဆ ကွဲပြားချက်တွေကိုပါ တွေ့မြင်ဖတ်ရှုရမှာ ဖြစ်ပါတယ်။ ဒီစာအုပ်ထဲမှာပါတဲ့ ဓာတ်ပုံအထောက်အထားတွေကိုတော့ အင်တာနက်ကနေ အများဆုံး ယူငင်သုံးစွဲထားတာ ဖြစ်ပါတယ်။ ကွဲပြားခြားနားတဲ့ ဘာသာပြန်တွေအကြား ကျွန်တော့်ရဲ့ကိုယ်ပိုင်သုံးသပ်ချက် အမြင်တွေကို ထည့်ထားပေမယ့် စာဖတ်သူကိုယ်တိုင်သာ လွတ်လပ်စွာ စူးစမ်းလေ့လာ အဖြေရှာစေချင်ပါတယ်။ ဒီစာအုပ်နဲ့ပတ်သက်လို့ ကျွန်တော်ဉာဏ်စွမ်းရှိသမျှ ကြိုးစားအားထုတ်ထားပေ မဲ့ အတွေးအမြင်အယူအဆ တိမ်းပါးချွတ်ချော်တာ တင်ပြပုံအစီအစဉ်မကျတာ စတဲ့ လိုအပ်ချက်များရှိသေးကြောင်း ရိုးသားစွာ ဝန်ခံပါရစေ။ လိုအပ်ချက်တွေ တွေ့ခဲ့ရင် လည်း ကိုယ်တိုင်ရေးသားတဲ့ စာပေလို သဘောထားပြီး ပြင်ဆင်ထောက်ပြပေးကြဖို့ အနူးအညွတ် တောင်းဆိုပါတယ်။