လောကီထုပ္ပတ် လူတို့ဇာတ်

ကမ္ဘာ့သမိုင်းကို လေ့လာဆည်းပူးရသော သူသည် တစ်ဦး ကောင်းကျိုးနှင့် အပေါင်း ကောင်းကျိုး၊ မြန်မာ့ အကျိုးနှင့် ကမ္ဘာ့ အကျိုး ဆက်စပ်နေပုံတို့ကို မုန့်တီဟင်း ကဲ့သို့ ကွင်းကွင်းကွက်ကွက် မြင်လာမည့်အပြင်၊ မြန်မာနှင့် ကမ္ဘာသည် တစ်ဦးကျေးဇူး တစ်ဦးမှာဟူသော စကားကဲ့သို့ ကျေးဇူး အတုံ့အလှည့် ရှိပုံကို သဘောပေါက်လာပေ မည်။ ထိုသို့ နှလုံးသွင်းမိသော မြန်မာ့သားကောင်း အာဇာနည်သည် မိမိတိုင်းပြည်နှင့် မိမိလူမျိုး၏ တိုးတက်ကြီးပွား ကောင်းစားမှုကို ကြိုးပမ်းအားထုတ်ရင်း ကမ္ဘာ့ငြိမ်းချမ်းမှု၊ တိုးတက်မှုများပါ အကျုံးဝင်နိုင်သော နည်းကောင်းလမ်းမှန်တို့ကို ကြံဆစွမ်းဆောင် နိုင်ပေမည်။ ကမ္ဘာ့ မိသားစုနိုင်ငံများတွင်လည်း ပြည်ထောင်စုမြန်မာနိုင်ငံတော်သည်သားကောင်းရတနာတစ်ဦးသဖွယ် ကမ္ဘာ့အကျိုးကို သယ်ပိုးရွက်ဆောင်နိုင်သောဆိပ်တန်း နိုင်ငံတစ်ခု ဖြစ်လာစေရန်ဟူသော ရည်ရွယ်ချက်ဖြင့် ဤအခြေခံ ကမ္ဘာ့သမိုင်းကို ရေးသားခြင်း ဖြစ်ပါသတည်း။