တိုက်ပုံအင်္ကျီနှင့် ဇနကမင်းကြီး

အကျဉ်းချုပ်

ကျွန်တော့် ဆောင်းပါးများကို ကိုအောင်ပြည့်က လေးလေးစားစား နေရာပေးပြီး ဂျာနယ်၏ စာမျက်နှာ ၃မှာ ပုံမှန်ထည့်ပေးသည်။ ရှေ့ဆုံးစာရွက် ကို လှန်လိုက်သည်နှင့် ကျွန်တော့်ဆောင်းပါးကို ပုံမှန်မြင်တွေ့နေရသည်မှာ ကျေနပ်စရာ၊ ကြည်နူးစရာ၊ ကျေးဇူးတင်စရာဖြစ်သည်။ သို့သော် ယခု ထိုဆောင်းပါး ၆ရ ပုဒ်နှင့် ရပ်လိုက်ရမည်ဟူ၍တော့ မမျှော်လင့်မိပါ။ မမျှော်လင့် တာတွေဖြစ်လာသည်နှင့်အတူ အောက်မေ့သတိရစရာတွေလည်း ဖြစ်လာရ ပါသည်။ ဖတ်စရာမှာ အရှိန်ကောင်းနေစဉ် ဆောင်းပါးအချို့ကို စာအုပ်အဖြစ် စုစည်းထုတ်ဝေလိုကြောင်း ‘ဇွန်ပွင့်စာပေ’က ဆိုလာသည့်အတွက် ရှေ့ပိုင်း ဆောင်းပါး ၄၅ ပုဒ်ကို တစ်ဖြတ် စုစည်းထုတ်ဝေဖို့ စီစဉ်ပေးခဲ့ပါသည်။ ယခု စာအုပ်အဖြစ် ပုံပေါ်လာပါပြီ။ သွားလာလှုပ်ရှားရင်း စိတ်ထဲမှာပေါ်လာသော ရေးစရာများကို ဖတ်စရာမှာ ပုံဖော်ကြည့်ခြင်းဖြစ်ပါသည်။ ဆောင်းပါးတစ်ပုဒ်စီမှာ တစ်ခုခုတော့ မည်မည်ရရ ပုံပေါ်နေလိမ့်မည်ဟု မျှော်လင့်ပါသည်။ ဤစာအုပ်ဖြစ်လာအောင် ဆောင်ရွက်သူအားလုံးကို ကျေးဇူးတင်ပါသည်။