နိုင်ငံခြားသားဗုဒ္ဓဘာသာရဟန်းတော်များနှင့်ယောဂီများ

နိုင်ငံခြားသားဗုဒ္ဓဘာသာရဟန်းတော်များနှင့် ယောဂီများအကြောင်းကို လေ့လာကျွမ်းကျင်သော စာရေးဆရာ များအား ဆောင်းပါးရေးသားပေးပါရန် မေတ္တာရပ်ခံပြီးလျှင် မြတ်မင်္ဂလာစာစောင်တွင် လစဉ်မှန်မှန် ဖော်ပြခဲ့ပါသည်။

ယခုအခါ ဖော်ပြခဲ့သော အဆိုပါဆောင်းပါးများမှာ အတော်အတန် ရှိနေပါပြီ။ ယင်းတို့ကို စုစည်း၍ အခိုင်အခန့် စာအုပ်ထုတ်ဝေနိုင်ပါက ပိုမိုအကျိုးရှိနိုင်သည်ဟု ယူဆမိပါ သည်။ ထို့ကြောင့် ယင်းတို့ကို စုစည်း၍ စာအုပ်ထုတ်ဝေလိုက် ပါသည်။ ဤစာအုပ်တွင် မြတ်မင်္ဂလာ စာစောင် ၁၉၈၅ ခု၊ ဇူလိုင်လမှ ၁၉၈၉ ခု၊ ဧပြီလအထိ ဖော်ပြခဲ့သော ဆောင်းပါး များ ပါဝင်ပါသည်။ အခြားနိုင်ငံခြားသား ဗုဒ္ဓဘာသာရဟန်း တော်များနှင့် ယောဂီများ အများအပြားကျန်ရှိနေပါသေးသည်။ ယင်းတို့ကို မြတ်မင်္ဂလာ စာစောင်တွင် ဆက်လက်ဖော်ပြပြီး စာတစ်အုပ်စာရပါက ဆက်လက်၍ စာအုပ်ထုတ်ဝေပါဦးမည်။

ယခုစာအုပ်ထုတ်ဝေနိုင်ရန် ပါဝင်ရေးသားကြသော စာရေး ဆရာများနှင့် ရေးသားခွင့်ပေးသော ပုဂ္ဂိုလ်များကို ကျေးဇူး ဥပကာရတင်ရှိပါကြောင်း မှတ်တမ်းတင်ဖော်ပြအပ်ပါသည်။