ရာဇသေဝကဒီပနီကျမ်း

အကျဉ်းချုပ်

ဒိသမ္ပတိ၊ နရိပုင်္ဂဝ၊ လူများ ဦးရစ် ဖြစ်တော်မူသော ရေမြေသေဌ်နင်း မင်းနှင့်တကွ မင်းမိဖုရား၊ မင်းညီမင်းသား၊ မှူးမတ်အရာရှိတို့ အမြဲကျင့်ဆောင်နှလုံးသွင်းရန် ကျမ်းဂန်ထင်ရှားရှိသည့် ကျင့်ဝတ်နိဒါန်း နည်းတို့ကို ထုတ်ဖော်ပြညွှန်၊ အလွန်အံ့ဩဖွယ် တင့်တယ်ကောင်းမြတ်သော အဋ္ဌသာရ၊ ဓမ္မဂမ္ဘီ၊ ဂုဏ်အဆီနှင့်လည်း ပြည့်စုံတော်မူသည်။ ယင်းသို့ဖြစ်၍ အတိုင်းမသိသော ကျေးဇူးဂုဏ်ထူးနိသံသ၊ များမြတ်လှသော ဤကျမ်းသည် သုတေသန၊ သုကသံနိစ္စယ ပုဂ္ဂိုလ်သူမြတ်တို့ ဖတ်နာလေ့ကျက် ဆောင်ရွက်တော် မူကြပါက၊ အတိုင်းမသိသော ကျေးဇူးဂုဏ်ထူးနဂ္ဃကို ရရှိလိမ့်မည်ဟု ရည်သန် နှလုံးထားပြီးလျှင် ရန်ကုန်မြို့၊ ကျွန်ုပ်တို့ ဟံသာဝတီသတင်းစာ ပုံနှိပ်တိုက်က အသေအချာ တည်းဖြတ်ပြင်ဆင်၊ စက်တင်ပုံနှိပ်လုပ်ဆောင်ပါသည်။ ဗဟုသုတ ဉာဏအထူးဂုဏ်ကျေးဇူးကို ဆည်းပူးဖွေရှာ၊ မှတ်နာဖတ်ရွတ် လေ့ကျက်ဆောင်ရွက် ကြပါစေသတည်း