မအိမ်ကံ

"မအိမ်ကံ" ဝတ္ထုသည် သူမ၏ ဇာတိရွာတွင် အမှန်တကယ် ဖြစ်ပျက်ခဲ့သော အဖြစ်အပျက်ကို ကျောရိုးပြု ရေးသားထားခြင်းဖြစ်သည်။ ဇာတ်လမ်းမှာ အလွန်ချောမောလှပပြီး စည်းစိမ်ဥစ္စာနှင့် ပြည့်စုံသော သူကြီးသမီး မအိမ်ကံ၏ ဘဝအကြောင်းဖြစ်သည်။ သူမသည် ကျေးရွာဓလေ့အရ အပျိုစင်ဘဝ ကိုယ်ကျင့်တရား စင်ကြယ်သူများသာ ကိုင်ခွင့်ရသည့် "ဖက်စိမ်းကွမ်းတောင်" ကို ကိုင်မြှောက်ခွင့်ရရန် အလွန်ရည်မှန်းချက်ကြီးသူ တစ်ဦးလည်း ဖြစ်သည်။ ဝတ္ထုတွင် မအိမ်ကံ၏ မွေးဖွားချိန်မှစ၍ သူမ၏ ဘဝဖြတ်သန်းမှုများ၊ မြန်မာကျေးတော ဓလေ့စရိုက်များနှင့် ကိုယ်ကျင့်တရားအပေါ် တန်ဖိုးထားမှုများကို ပေါ်လွင်အောင် ရေးဖွဲ့ထားပါသည်။