မန္တလေးမဟာမုနိတံတိုင်းအတွင်းရှိ ကျောက်စာများ (ဒသမတွဲ)

အကျဉ်းချုပ်

ဤဒသမတွဲပါ ကျောက်စာများသည် အလှူမှတ်တမ်းများဖြစ်သော်လည်း အင်းဝခေတ်တွင် အုပ်စိုးခဲ့သည့်ပင်းများ၊ အမှုထမ်းခဲ့သည့် မှူး၊ မတ်၊ မင်းမှုထမ်းများ၊ မြို့စား။ ရွာစားများကို ဖော်ပြသည့် အပြင် ယင်းတို့လှူဒါန်းခဲ့သောရွာများ မြေများ၊ ထန်းများ၊ ကျွန်များ မည်မျှများပြားသည်ကိုထောက်ရှု၍ အင်းဝခေတ်၏ နိုင်ငံရေး၊ စီးပွားရေး၊ လူမှုရေးကို ဖော်ပြသဖြင့် သမိုင်းသုတေသီများအား များစွာ အထောက်အကူပြုမည်ဟု ယုံကြည်ပါသည်။ ဤစာအုပ်ထုတ်ဝေနိုင်ရေးအတွက် အဖက်ဖက်မှ ကူညီပါသော သမိုင်းသုတေသန နှင့် အမျိုးသားစာကြည့်တိုက်ဦးစီးဌာနမှ ဒေါ်ဆွေဆွေဝင်း(သုတေသနအရာရှိ)၊ ကွန်ပျူတာ စာစီပေးပါသော ဒေါ်လှလှရီ(ဦးစီးအရာရှိ)၊ ဒေါ်ဥမ္မာမြင့်(မော်ကွန်းလက်ထောက်-၃)နှင့် ဦးအောင်သူသူလင်း(မော်ကွန်းလက်ထောက်-၃)တို့အား ကျေးဇူးအထူးတင်ရှိပါကြောင်း မှတ်တမ်းတင်ပါသည်။