ဆရာတော်ကြီးများ၏ ထေရုပ္ပတ္တိစာစဉ် (၄၂) အုပ်

အကျဉ်းချုပ်

ကျွန်တော်၏ စာပေတိုက်အနေဖြင့် အမျိုးဘာသာ သာသနာအတွက် အကျိုးရှိမည့် အတ္ထုပ္ပတ္တိစာစဉ်များကို ထုတ်ဝေရန် တိုက်အယ်ဒီတာများ၊ ပြင်ပ ပညာရှင်ဆရာကြီးများနှင့် စည်းဝေးတိုင်ပင်ခဲ့ပါသည်။ ပထမဦးစွာ သာသနာတော်အတွက်ထင်ရှားသည့်ကျေးဇူးကြီးမားခဲ့ကြသော ဆရာတော် ကြီးများ၏ ထေရုပ္ပတ္တိများအား စတင်ရေးသားကြရန် ဆုံးဖြတ်ကြပါသည်။ အယ်ဒီတာအဖွဲ့ဝင် ဆရာကြီးများမှာ ပရိယတ္တိစာပေနှင့် မြန်မာစာပေဘက် တွင်ကျွမ်းကျင်ကြသောပုဂ္ဂိုလ်ကြီးများဖြစ်သည့်အားလျော်စွာသူတို့လေ့လာ ဖတ်မှတ်ထားပြီး စတင်ရေးသားနိုင်သော ဆရာတော်ကြီးများ၏ ထေရုပ္ပတ္တိ စာစဉ်ဖြင့်သာ စတင်ရန်အကြံပြုကြပါသည်။ယနေ့ခေတ်ကာလသည်စာအုပ် ထူထူကြီးများအား အချိန်ပေးဖတ်ရှုရန် ခက်ခဲသည့်အားလျော်စွာ စာမျက်နှာ ၁၅ဝနှင့်၂ဝဝအတွင်းစာအုပ်ဆိုဒ်ဈေးနှုန်းတညီတည်းနှင့်ဝယ်ယူဖတ်ရှုနိုင်ရန် စီစဉ်ထားပါသည်။ယခုစာအုပ်ကို ဆရာဦးလှသိန်းထွဋ်မှ ရေးသား၍ အယ်ဒီတာများက ဝိုင်းဝန်းတည်းဖြတ်ထုတ်ဝေပါသည်။ အခြားသော နိုင်ငံရေး၊ စီးပွားရေး၊ အနုပညာ၊ အမျိုးသားရေးဆိုင်ရာ စသော နယ်ပယ်အသီးသီးမှ ရဟန်း ရှင် လူ ပုဂ္ဂိုလ်တို့၏ အတ္ထုပ္ပတ္တိများအား ရေးသားနိုင်သော ဆရာများအား လေးစားစွာ ဖိတ်ခေါ်အပ်ပါသည်။