သမီးချစ်

အကျဉ်းချုပ်

အမှန်အားဖြင့် ဤဖြစ်စဉ်မှာ စိတ်ကူးဉာဏ်ဖြင့် ဖန်တီးသော ဝတ္ထုများကဲ့သို့ လုပ်ကြံချဲ့ထွင် တန်ဆာဆင်ရသော အရေးအသားမျိုး မပါဝင်။ ပင်ကိုအဖြစ်အပျက်ကပင် ဖတ်သူ၏အာရုံကိုလူးလွန့်လှုပ်ရှား လာအောင် ဆွဲဆောင်သွားနိုင်သော အဖြစ်အပျက် ဇာတ်လမ်းမူရင်း အခင်း၊ အခက်၊ အဖြေတို့ ဝေဝေဆာဆာ ရှိနေသဖြင့် စာရေးသူတာဝန် မှာ ယင်းဖြစ်ရပ်မှန် ကျောရိုး(ဝါ)ပုံကြမ်းရိုးခံကို စိတ်ကူးဉာဏ် အနည်း ငယ်ထုတ်၍ အသွေးအရောင်ခြယ်လှယ်ပေးရုံသာဖြစ်ပေ၏။ ဤသို့ အသွေးအရောင် ခြယ်လှယ်ရုံမျှသာ စာရေးသူ၏ တာဝန်ရှိသဖြင့်စိတ်ကူးယဉ်ဝတ္ထုတို့ကဲ့သို့ စွဲမက်ဖွယ်အကွက်များ မပါဝင်ဟု ထင်မြင် ယူဆသူများရှိပါကလည်း ဇာတ်လမ်း၏အသည်းဖြစ်သော ပဓာန ပါဝင်သူ၏ ဂုဏ်ရည်ကို ထောက်ထား၍ သည်းခံစိတ် ပွားစေလိုပါ သည်။ အချုပ်မှာ ဤဖြစ်စဉ်ကို ဝတ္ထုကဲ့သို့ ဖတ်၍ အဖြစ်မှန်ဟု မှတ်သားကာ နည်းယူသင့် နည်းယူထိုက် ဂုဏ်ပြုသင့် ဂုဏ်ပြုထိုက် သည်တို့ကို နည်းယူဂုဏ်ပြုလျက် မြတ်မြတ်နိုးနိုး သိမ်းဆည်းထား ကြမည်ဆိုလျှင် ရေးသားသူဆန္ဒ ပြီးမြောက်ပြီဟု ဆိုရမည်သာ ဖြစ်ပါ တော့၏။