စာပေသဘောတရား နှင့် ဝေဖန်ရေး အခြေခံကျမ်း

အကျဉ်းချုပ်

ဤစာအုပ်ကို ထုတ်ဝေပေးသော စာရေး ဆရာ ကိုတာနှင့် သူ၏ မုံရွေးစာအုပ်တိုက် ဖြစ်သည်။ စာအုပ်ထုတ်ဝေရေးမှာ တကယ်မလွယ်ကူပါ။ အတော်များများ သိရှိခံစားကြပါသည်။ ကိုတာက ဤ စာအုပ်ကို မဆိုင်းမတွထုတ်ပေးပါသည်။ ယနေ့ စာပေလောက၊ ပညာလောကမှာ “ဖြန့်ထွက်တွေးခြင်း” စာအုပ်တစ်အုပ် ပေါ်ထွက်လာသည်။ ထိုစာအုပ်ကို သူ ရေး၏။ အယူအဆ အတော်များများ ညှိစရာမလိုဘဲ သူနှင့်ကျွန်တော် ကိုက် ညီနေသည်။ ယခု ကျွန်တော့်စာအုပ်သည် ရှိနှင့်ပြီးဖြစ်သော အယူအဆများကို အခြေခံထားသောကြောင့် ကျွန်တော်တို့ (သူနှင့်ကျွန်တော်) လိုလားသော “အသစ်များ” မပါသလောက်ပင် ဖြစ်၏။ သို့တိုင်အောင် ကျွန်တော်၏ ဤ စာအုပ်ကို လိုလားစွာ (သူ့ကိုယ်ရေးကိုယ်တာ အခက်အခဲတွေကြားထဲက) ထုတ်ပေးသောကြောင့် သူ့ကို အထူးကျေးဇူးတင်လိုက်ပါသည်။