အနတ္တစက္ခုကျမ်း

အကျဉ်းချုပ်

လယ်တီပဏ္ဍိတ ဆရာကြီး ဦးမောင်ကြီး၏ အနတ္တစက္ခု ကျမ်းကို စာပြင်ဆရာ စာရေးဆရာ ကိုအောင်မှူးဝေက ပျိုးခင်း အရှင်အား ဆက်ကပ်လှူဒါန်းလာသည်။ ဤစာအုပ်ကို ဖတ် ရရှိချိန်သည် ညောင်တုန်းမြို့နယ်၊ ကျိုက်ပါကျေးရွာသို့ ရှင်ပြု အလှူတရားပွဲသွားရန် ပြင်ဆင်နေချိန်ရောက်ရှိလာသဖြင့် စာအုပ်ကို ကားပေါ်ယူလာပြီး လမ်းမှာ ဖတ်ရှုလိုက်ပါလာ ခဲ့သည်။ စာအုပ်ကို ဖတ်ရတော့ အနတ္တသဘောကို ထိထိမိမိ သိရှိရသည်။ လယ်တီဆရာတော်ကြီး၏ သီလ သမာဓိ ပညာ ဂုဏ်တော် မေတ္တာတော်တို့ကိုလည်း ခံစားရရှိသည်။ ထို့နောက် လယ်တီပဏ္ဍိတ ဆရာကြီး ဦးမောင်ကြီး၏ စေတနာ မေတ္တာ ဓာတ်များ ရရှိသည်။