မြန်မာ့ဆေးပညာ

စာရေးဆရာမကြီး ဂျာနယ်ကျော်မမလေး၏ “မြန်မာ့ဆေးပညာ” စာအုပ်သည် ဆရာမကြီးကိုယ်တိုင် မြန်မာ့တိုင်းရင်းဆေးပညာကို (၁၅) နှစ်ခန့် လက်တွေ့ဆည်းပူး လေ့လာခဲ့သည့် အတွေ့အကြုံများနှင့် လူနာပေါင်းများစွာကို ကုသပေးခဲ့သည့် လက်တွေ့ကုထုံးများကို စုစည်းတင်ပြထားသော စာအုပ်ဖြစ်သည်။ အထူးသဖြင့် အနောက်တိုင်းဆေးပညာဖြင့် ကုသ၍ မပျောက်ကင်းနိုင်တော့ဟု ယူဆကြသည့် တီဘီ၊ ကင်ဆာ၊ လေငန်း၊ ဆီးချို၊ အသည်းရောင်နှင့် ဆင်ခြေထောက်ရောဂါ စသည်တို့ကို မြန်မာ့ဓာတ်နည်းပညာဖြင့် ထိရောက်စွာ ကုသပျောက်ကင်းနိုင်ကြောင်း လက်တွေ့သာဓကများဖြင့် ရေးသားထားသည်။ စာအုပ်တွင် မြန်မာ့ဆေးပညာ၏ နက်နဲပုံ၊ ဓာတ်ကြီးလေးပါး အယူအဆများနှင့် ဆေးမတိုက်ဘဲ အာရုံငါးပါးမှတစ်ဆင့် ကုသနိုင်သည့် နည်းလမ်းများကိုလည်း ဗဟုသုတဖြစ်ဖွယ် တင်ပြထားပြီး၊ မြန်မာ့ဆေးပညာကို ပြည်သူများ ပိုမိုယုံကြည် လေးစားလာစေရန် ရည်ရွယ်၍ ရေးသားထားခြင်းဖြစ်ပါသည်။