သဘာဝမှောင်

သဘာဝမှောင်ဖြစ်သော ထိုအလိုရှိခြင်း၊ တုန်လှုပ်ခြင်းတို့ကို အထောက်အခံပြု၍ ကာမမေထုန်မှုတို့သည် ပေါက်ဖွားလာလေသည်။ ကာမမေထုန်မှုသည်လည်း အလွန်နက်နက် သိမ်မွေ့နေပေသည်။ ဥပမာဆိုသော် ကမ္မဋ္ဌာန်းဆရာတစ်ယောက်သည် မိမိကမ္မဋ္ဌာန်းပေးသော ယောဂီမကလေးအား ဪ.. အတော်လှသည်။

အဆစ်အမြစ် ပြေပြစ်သည်။ တင်ကလေးက အတော်တောင့်သည်။ အသံက တော်တော်သာယာသည်ဟု ထင်မှတ်နေသော် ထိုကမ္မဋ္ဌာန်းဆရာသည် ထိုယောဂီမယ်နှင့် စိတ်အားဖြင့် ကာမမေထုန်မှုကို ပြုခြင်းဖြစ်သည်။ ထို့ကြောင့် ကာယကံ၊ ဝစီကံ၊ မနောကံဟု ကံသုံးပါးထားလေသည်။ ထို့ကြောင့် သဘာဝမှောင်ကို မလိုသော် ဉာဏ်ဆီမီးထွန်းသောသဘောနှင့် အလိုရမ္မက်ကို သည်းခံနိုင်သရွေ့ သည်းခံ၊ တုန်လှုပ်ခြင်းနှင့် ထောင်လွှားတက်ကြွမှုတို့ကို သည်းခံနိုင်သရွေ့ သည်းခံကြရာသတည်း။

စစ်ကိုင်းဦးဘိုးသင်း သဘာဝမှောင်